Saturday, December 31, 2011

அரசியல்வாதியும் குடிமகனும்

ஒரு நல்ல முதலாளி தன் தொழிலாளியின் முழுத் திறமையை பயன்படுத்தி வேலை வாங்குவான்.

ஒரு நல்ல தொழிலாளி தன் முதலாளியிடமிருந்து தனக்கு சேரவேண்டிய வசதிகளை உரிமையுடன் கேட்டுப் பெறுவான்.

அதுபோல ஒரு நல்ல அரசியல்வாதி மக்களை விழிப்புணர்வுடன் வைத்திருந்து தன் அரசியலுக்கு பயன்படுத்த வேண்டும்.

ஒரு நல்ல குடிமகன் விழிப்புணர்வுடன் இருந்து தன் அரசியல்வாதி தனக்கு செய்ய வேண்டிய கடமைகளை உரிமையுடன் கேட்டுப் பெறுவான்.

Friday, December 30, 2011

நமக்கு பொதுவானவை

என் தமிழினமே

இதுவரை நாம் கண்ட மதங்கள்
நமக்கு பொதுவானவை

இதுவரை நாம் கண்ட சாதிகள்
நமக்கு பொதுவானவை

இதுவரை நாம் கண்ட ஆட்சிகள்
நமக்கு பொதுவானவை

இதுவரை நாம் கண்ட கட்சிகள்
நமக்கு பொதுவானவை

இதுவரை நாம் கண்ட தலைவர்கள்
நமக்கு பொதுவானவர்கள்

நல்லவற்றை எடுப்போம்
மற்றவற்றை மறப்போம்

தமிழர் என்று ஒன்றுபடுவோம்
நாளைய பொழுது நமதே

தினமணி - உதட்டளவு நேசம்!

"செப்பு மொழி பதினெட்டுடையாள் எனில்
சிந்தனை ஒன்றுடையாள்".

என மகாகவி பாரதி இந்தியத் திருநாட்டின் ஒருமைப்பாட்டை வலியுறுத்தியுள்ளார். ஆனால், பாரத நாடு சுதந்திரம் அடைந்த பிறகு மொழி வாரியாக மாநிலங்கள் பிரிக்கப்பட வேண்டிய சூழ்நிலை உருவானது. சுதந்திரத்துக்கு முன்பாக பாரத நாடு ஆங்கிலேயர்களால் ஒன்பது
மாகாணங்களாகப் பிரிக்கப்பட்டு ஆட்சி செய்யப்பட்டது.

பொதுவாக தென்னிந்தியா முழுவதும் சென்னை மாகாணம் என்று அழைக்கப்பட்டது. சென்னை மாகாணத்தில் இப்போதைய முழுத் தமிழகமும், ஆந்திர, கர்நாடக, கேரள மாநிலங்களின் பெரும்பகுதிகளும் இருந்தன. தமிழகத்தில் தனி திராவிட நாடு கோரும் இயக்கங்கள் வலுப்பெற்று வந்த காலகட்டம் அது. அதாவது, திராவிடர் கழகம், திராவிட முன்னேற்றக் கழகம் ஆகிய அமைப்புகள் கோரிய தனி திராவிட நாடு வரைபடத்தில் தமிழகம், கேரளம், ஆந்திரம், கர்நாடகம், மராட்டியம் உள்ளிட்ட மாநிலங்கள் அடங்கியிருந்தன.

இந்தியாவைப் பிரித்து பாகிஸ்தான் உருவாக்க வேண்டும் என போராட்டம் நடத்திய ஜின்னாவோடு பேச்சுவார்த்தை நடத்தினர். வடஇந்தியாவில் தனித்திராவிட கோரிக்கைக்கு ஆதரவாக ஜின்னா பிரசாரம் செய்வது என்றும் தென்னிந்தியாவில் பாகிஸ்தானுக்கு ஆதரவாகத் திராவிட இயக்கங்கள் பிரசாரம் செய்வது என்றெல்லாம்கூட திராவிட இயக்கத் தலைவர்களின் நடவடிக்கைகள் அமைந்திருந்தன.
ஆனால், இவர்களுக்கு தமிழகம் தவிர, வேறு எந்தப் பகுதியிலும் ஆதரவு கிடைக்கவில்லை என்பது அப்பட்டமான உண்மை.

ஆந்திரத்தில் தனித்தெலங்கானா இயக்கத் தலைவர்கள் ஆயுதம் தாங்கி தங்களது புரட்சிகர நடவடிக்கைகளைத் தொடங்கியிருந்தனர்.

தமிழகம் உள்பட்ட தென்னிந்தியாவில் காங்கிரஸ் கட்சி அனைத்து மாநிலங்களிலும் ஆட்சி அதிகாரங்களைப் பெற்றிருந்தது. கேரளத்தில் கம்யூனிஸ்ட் கட்சி வலுப்பெறத் தொடங்கி இருந்தது.

பொட்டி ஸ்ரீராமுலு என்கிற தலைவர் தனித்தெலுங்கு மாநிலம் அதாவது, ஆந்திர மாநிலம் மற்றும் மொழிவழி மாநிலங்கள் பிரிக்கப்பட வேண்டும் என்கிற கோரிக்கைக்காக உண்ணாவிரதம் இருந்து உயிர்த்துறந்தார். நாடு முழுவதும் மொழிவாரி மாநிலங்கள் பிரிக்கப்பட வேண்டும் என்கிற கோரிக்கை வலுப்பெற்றது. வேறுவழியில்லாமல் அன்றைய பிரதமர் நேரு மொழிவாரி மாநிலப் பிரிவினைக்குச்
சம்மதித்தார்.

மொழிவாரி மாநிலங்களை உருவாக்குவதற்காக 1953ல் பசல் அலி தலைமையில் கமிட்டி அமைக்கப்பட்டு என்.கே. குன்சுரு, கே.என். பணிக்கர் ஆகியோர் அதன் உறுப்பினர்களாகச் செயல்பட்டனர். இவர்கள் 1955 மார்ச் 23ம் தேதி தங்களது அறிக்கையைத் தாக்கல் செய்தனர். இதன்பிறகு மொழிவழி மாகாணங்கள் பிரிக்கப்பட்டன. மாநிலங்களின் எல்லைகள் நிர்ணயிக்கப்பட்டன.

சங்ககாலம் தொட்டே தமிழ்கூறும் நல்லுலகத்தின் தெற்கு எல்லையாகக் குமரியும், வடக்கு எல்லையாக வேங்கடமலையும் திகழ்ந்து வந்தது. ஆனால், நம் தலைநகர் சென்னைகூட ஆந்திர மாநிலத்தில் இணைக்கப்பட வேண்டும் என தெலுங்கு மக்களின் தலைவர்கள் சென்னையிலேயே "மதராஸ் மனதே!" என்கிற கோஷத்துடன் போராட்டங்களைத் தொடங்கினர்.

குமரி மாவட்டம், இடுக்கி, மூணாறு, தேவிகுளம், பீர்மேடு ஆகிய பகுதிகள் கேரளத்துடன் இணைக்கப்பட வேண்டும் என கேரள மாநிலத்தில் உள்ள அன்றைய சோசலிஸ்ட், காங்கிரஸ், கம்யூனிஸ்ட் தலைவர்கள் அனைவரும் முயற்சிகளை மேற்கொண்டனர்.

கர்நாடகத்திலும், சாம்ராஜ் நகர் உள்ளிட்ட பகுதிகள் கர்நாடக மாநிலத்துடன் இணைக்கப்பட வேண்டும் என்கிற போராட்டங்கள் வலுப்பெற்றன.

பொதுவாக ஒரு பகுதியில் எந்த மொழி பேசுகின்ற மக்கள் பெரும்பான்மையாக வசிக்கிறார்களோ அந்தப் பகுதி அந்த மொழி பேசுகிற மாநிலத்தோடு இணைக்கப்பட வேண்டும் என்பது கருத்தாக இருந்தது. தமிழகத்தில் முதுபெரும் சுதந்திரப் போராட்ட வீரரும், தமிழரசு கழகத்தின் தலைவருமான ம.பொ.சிவஞானம் தலைமையில் தமிழக எல்லை மீட்பு போராட்டம் தொடங்கியது.

கிராமணியார், சிலம்புச் செல்வர் என்றெல்லாம் அன்போடு அழைக்கப்பட்ட ம.பொ.சி.யை தமிழகத்தின் தலைசிறந்த தலைவர்களில் ஒருவரும், கம்யூனிச சித்தாந்தியுமான ஜீவானந்தம், காங்கிரஸ் கட்சியில் திருவிதாங்கூர் சமஸ்தான எதிர்க்கட்சித் தலைவராக இருந்த தாணுலிங்க நாடார், பார்வர்டு பிளாக் கட்சியின் தலைவர் பசும்பொன் முத்துராமலிங்கத் தேவர் ஆகியோர் ஆதரித்தனர்.

ம.பொ.சி. தலைமையில் நடைபெற்ற போராட்டம் காரணமாக ஆறுபடை வீடுகளில் ஒன்றாகத் திகழ்கிற தமிழர்கள் பெரும்பான்மையாக வசிக்கிற திருத்தணி தமிழகத்தோடு இணைக்கப்பட்டது. தலைநகர் சென்னையும் காப்பாற்றப்பட்டது. ஆனால், தமிழர்கள் பெரும்பான்மையாக வசித்த சித்தூர் பகுதி ஆந்திரத்தோடு இணைக்கப்பட்டது.

அன்றைய மதுரை மாவட்டம் பெரியகுளம் நாடாளுமன்றத் தொகுதிக்குட்பட்ட இடுக்கி பகுதியில் வசிக்கும் தமிழர்கள் இடுக்கியைத் தமிழகத்தோடு இணைக்க வேண்டும் என்று போராட்டம் நடத்தினார்கள். இப்போராட்டத்தில் துப்பாக்கிச் சூடு நடைபெற்று ஆறு பேர் வரை உயிரிழந்தனர். இருந்தபோதும் இடுக்கி மாவட்டம் கேரளத்துடன் இணைக்கப்பட்டது.

தமிழர்கள் பெரும்பான்மையாக வசித்த தேவிகுளம், பீர்மேடு, கண்ணகி கோவில் பகுதி ஆகியவையும் கேரளத்துடன் இணைக்கப்பட்டன.

குமரி மாவட்டத்தை தமிழகத்துடன் இணைக்க வேண்டும் என்கிற நியாயமான கோரிக்கைக்காகப் போராட ஐவர் குழு அமைக்கப்பட்டது.

குழுவில்,

1. தாணுலிங்க நாடார்
2. சிதம்பரநாதன்
3. குஞ்சு நாடார்
4. டேனியல்
5. நேசமணி நாடார்

ஆகியோர் இடம்பெற்றனர்.

இவர்கள் செங்கோட்டையில் தமிழர்கள் பெரும்பான்மையாக வசிக்கும் பகுதிகளைத் தமிழகத்துடன் இணைக்க வேண்டும் என செங்கோட்டையில் போராட்டம் நடத்தினர். இதில் நேசமணி நாடார் கைதாகவில்லை. ஏனைய நால்வரும் கைது செய்யப்பட்டு ஒன்பது மாத கால சிறைவாசம் அனுபவித்தனர். இதன் காரணமாக கன்னியாகுமரி மாவட்டம் தமிழகத்துடன் இணைக்கப்பட்டது.

1946 முதல் 1952 வரை இடைக்கால அரசாங்கத்தில் தமிழக முதலமைச்சர்களாக இருந்த ஓமந்தூர் இராமசாமி ரெட்டியார், குமாரசாமிராஜா ஆகிய இருவருக்கோ, 1952 முதல் 1954 வரை முதல்வராக இருந்த இராஜாஜிக்கோ, 1954க்குப் பிறகு தமிழகத்தின் தனிப்பெரும் தலைவராகத் திகழ்ந்த காமராஜருக்கோ மொழிவழி மாகாணங்கள் பிரிக்கப்படுவதில் உடன்பாடு இல்லை. இவர்கள் அப்பழுக்கற்ற தேசியவாதிகளாகத் திகழ்ந்தார்கள். ஆனாலும், மொழிவழி மாகாணங்கள் பிரிக்கப்பட்டன.

இந்தியத் தேசிய உணர்வு கொண்ட காங்கிரஸ் கட்சியும் அப்போது வலுப்பெறத் தொடங்கியிருந்த திராவிட இயக்கங்களும், தமிழகத்தின் கம்யூனிஸ்ட் தலைவர்களும், ம.பொ.சி.யை ஆதரித்திருந்தால் தமிழர்கள் பெரும்பான்மையாக வசித்த மாவட்டங்கள் தமிழகத்துடன் இணைக்கப்பட்டிருக்கும். ஆனால், இவர்கள் இதுவிஷயத்தில் தமிழக நலனில் போதிய கவனம் செலுத்தவில்லை என்கிற வருத்தம் இன்றும் நமக்குள்ளது.

தெலங்கானா புரட்சியை வழிநடத்திய ஆந்திர மாநிலத்தவர்கள் பொதுவுடைமை சித்தாந்தத்தில் நம்பிக்கை உள்ளவர்கள். சர்வதேசிய வாதத்தில் நம்பிக்கை உள்ள இவர்கள் மொழிவழி உரிமை என்று வருகிறபொழுது சென்னையைக்கூட ஆந்திரத்துடன் இணைக்கக் கோரினார்கள். அதேபோல கேரளத்தில் செல்வாக்குப் பெற்ற பொதுவுடைமைத் தலைவர் ஏ.கே.கோபாலன் தமிழர்களை "வந்தேறிகள்", அவர்கள் கேரளத்தை விட்டு வெளியேற வேண்டும் என்றெல்லாம் கூறினார். ஆனால்,
தமிழகத்தைச் சார்ந்த பொதுவுடைமைவாதிகளில் ஒருவரான ஜீவானந்தத்தைத் தவிர, தமிழகப் பொதுவுடமைவாதிகள் யாரும் தமிழ்மாநில எல்லை காக்கும் போராட்டத்தை ஆதரிக்கவில்லை.

"அடைந்தால் திராவிட நாடு,
அடையாவிட்டால் சுடுகாடு"!

"தம்பி வா ஒன்றாகக் கூடி
இன்ப திராவிடம் தேடி"!

"திண்ணையிலே படுத்தாவது
திராவிட நாடு வாங்குவோம்"!

என்றெல்லாம் வீரவசனம் பேசி இந்தியாவைப் பிரித்து பாகிஸ்தானை உருவாக்கியதுபோல நாங்கள் "திராவிடஸ்தானை" உருவாக்குவோம் என திராவிட நாடு கோரிக்கையை திராவிட இயக்கத்தவர்கள் வெகு தீவிரமாகப் பரப்பி வந்தனர். அப்பொழுது திராவிடர் கழகமோ, தி.மு.க.வோ தமிழக எல்லை காக்கும் போராட்டத்துக்குப் போதிய ஆதரவு தரவில்லை.

தமிழகத்தில் பிரிவினை கோரும் திராவிட இயக்கங்கள் வலுப்பெற்று வருகிற காரணத்தால் இவர்கள் எப்படியாவது ஆயுதம் தாங்கிப் போராடவும் துணிவார்கள். அதற்கு தமிழகத்தைச் சுற்றியிருக்கக்கூடிய மலைப்பகுதிகள் மற்றும் வனப்பகுதிகளைப் பயன்படுத்திக் கொள்வார்கள் என அன்றைய உளவுத்துறை
தமிழகத்தில் திராவிட தனிநாடு கோருவோர் குறித்து தகவல்களை மத்திய அரசிடம் பதிவு செய்திருந்தது.

இதன் காரணமாக மத்திய அரசும் மலை மற்றும் வனப்பகுதிகளை தமிழகத்துடன் இணைப்பது குறித்து மிகுந்த எச்சரிக்கை உணர்வுடன் செயல்படும்படி மொழிவழி மாகாண பிரிவினை குழுவுக்கு ஆலோசனை வழங்கியிருந்தது.

பொதுவாக ஆரம்பகாலத்திலிருந்தே அதாவது 1948 ஜுன் 17 அரசியலமைப்பை உருவாக்கும் குழுத்தலைவராக இருந்த டாக்டர்.இராஜேந்திர பிரசாத், ஓய்வுபெற்ற நீதிபதி எஸ்.கே.தார் தலைமையில் அமைத்த கமிட்டியில் இடம்பெற்ற கேரள மாநிலத்தைச் சேர்ந்த அதிகாரிகளும், ஐக்கிய கேரளம் உருவாக்கும் நோக்கத்துடன் எஸ்.கே.தாஸ் கமிஷன் சென்னை வந்து நேசமணியைச் சந்தித்தபோதும் கேரள மாநிலத்தைச் சார்ந்த அதிகாரிகள் கேரளத்துக்குச் சாதகமான முடிவுகளையே
எடுத்தார்கள்.

1953 பசல் அலி தலைமையிலான மொழிவழி மாகாண பிரிவினைக் கமிட்டியில் எம்.கே.கும்சுரு, கே.என்.பணிக்கர் ஆகியோர் இடம்பெற்றனர். இதில் கேரள மாநிலத்தைச் சார்ந்த கே.என். பணிக்கர் தமிழகத்துக்கு விரோதமான முடிவுகளையே எடுத்தார். தமிழர்கள் பெரும்பான்மையாக வசித்த பல தாலுகாக்களை பிற மாநிலங்களோடு இணைத்து மொழிவழி மாநிலங்களை உருவாக்கினர்.

இப்போதும் மத்திய அரசின் அதிகார மையங்களில் பதவி வகிக்கும் கேரள மாநிலத்தைச் சேர்ந்து உயர்அதிகாரிகள் 35க்கும் மேற்பட்டோர் மிகுந்த சக்தி வாய்ந்த பொறுப்புகளில் இருக்கிறார்கள். இவர்கள் தொடர்ந்து தமிழகம், தமிழர்கள் தொடர்பான பிரச்னைகளில் தமிழகத்துக்கும், தமிழர்களுக்கும் விரோதமாகவே செயல்பட்டு வருகின்றனர் என்கிற குற்றச்சாட்டு பரவலாக
எழுந்துள்ளது.

ஈழத்தமிழர், கச்சத்தீவு, தமிழக மீனவர், முல்லைப் பெரியாறு ஆகிய பிரச்னைகளில் உண்மைகளை மறைத்து தமிழகத்துக்குப் பாதகமான முடிவுகளையே எடுத்து வருகின்றனர் என்கிற குற்றச்சாட்டும் இங்கு உண்டு.

அன்றைய காலகட்டத்தில் தமிழகத்தில் செயல்பட்ட திராவிட இயக்கங்களும், காங்கிரஸ் பேரியக்கமும் கம்யூனிச இயக்கங்களும் விழிப்புணர்வுடன் இல்லாத காரணத்தால் தமிழகத்தின் எல்லைகள் சுருங்கிப் போய்விட்டது என்பது உண்மை. இதன் காரணமாகவே காவிரி, பாலாறு, முல்லைப் பெரியாறு, நெய்யாறு, பரம்பிக்குளம் ஆழியாறு, சிறுவாணி ஆகிய நதிகளில் நமது பாரம்பரிய உரிமையை இழந்துள்ளோம்.

முல்லைப் பெரியாறு விவகாரம் வலுத்திருக்கும் இப்போதைய சூழ்நிலையிலாவது மேற்கண்ட இயக்கங்கள் தமிழக நலன் கருதி ஒன்றுபட்டு செயல்பட வேண்டுகிறோம். வளமான தமிழகம் வலிமையான பாரதம் உருவாகிட உரிய சட்டப்பூர்வ நடவடிக்கைகளை மேற்கொண்டு நமது உரிமைகளை நிலைநாட்ட வேண்டும் என அனைவரும் எதிர்பார்க்கிறோம்.

பதவியைக் காப்பாற்றிக் கொள்வதில் இவர்கள் காட்டும் அக்கறையைத் தமிழக நலனில் காட்டினால் எவ்வளவு நன்றாக இருக்கும்?

மற்றவர்களை தில்லிக்குக் காவடி தூக்குகிறார்கள் என்று நையாண்டி செய்தவர்கள். இப்போது தில்லிக்குக் கைகட்டி சேவகம் செய்வது அவர்கள் விருப்பம்.

அதற்காகத்தமிழ், தமிழன் என்று பேசித் தங்களை வளர்த்துக் கொண்டவர்கள் தமிழகத்தின் நலனைத் தங்கள் சுயநலத்துக்காக பலி கொடுக்கிறார்களே, என்னே இவர்களது தமிழ்ப் பற்று!

அர்ஜுன் சம்பத்

நன்றி:- தினமணி

http://dinamani.com/edition/rtistory.aspx?SectionName=Editorial%20Articles&artid=529930&SectionID=133&MainSectionID=133&SEO=&Title=%E0%AE%89%E0%AE%A4%E0%AE%9F%E0%AF%8D%E0%AE%9F%E0%AE%B3%E0%AE%B5%E0%AF%81+%E0%AE%A8%E0%AF%87%E0%AE%9A%E0%AE%AE%E0%AF%8D!

Thursday, December 29, 2011

தமிழ்தேசியத்தை நோக்கிய என் பயணத்தில் எனது ஒவ்வொரு செயலும் அரசியல் தந்திரமாக இருக்கும்.

உணர்ச்சி அரசியலை தவிர்ப்பீர்

தற்போது தமிழக மக்களிடையே கட்சி பாகுபாடற்ற ஒரு எழுச்சி ஏற்பட்டுள்ளது. அடுக்கடுக்கான நிகழ்வுகள் தமிழ் இளைஞர்களையும் அவர்களது சிந்தனையையும் தூண்டியுள்ளன. ஈழப்போரில் ஆரம்பித்து மீனவர் படுகொலை, மூவருக்கு தூக்குத் தண்டனை, கூடங்குள அணுத் திணிப்பு, முல்லைப் பெரியாறு பிரச்சனை என ஒவ்வொன்றாக அவர்களின் உணர்வுகளை தூண்டியுள்ளன.

இதில் அரசியல் கட்சியில் உள்ளவர்கள் என்ன செய்வதென்று தங்களது தலைமையை நோக்க, எந்தவித அறிகுறிகளையும் காணமல் அவர்கள் உள்ளுக்குள் புழுங்கி தவித்து வருகின்றனர். அரசியல் கட்சி சாராதவர்கள் தங்களது அதிகாரம் இப்படி பறிக்கப்பட்டு விட்டதே என்று உள்ளுக்குள் வெம்பி புலம்பி வருகின்றனர்.

தமிழகத்தில் பெரும்பாலும் படித்த மேல்த்தட்டு வர்க்கத்திடம் தமிழ் உணர்வு மழுங்கடிக்கப்பட்டு விட்டது. அப்படி உணர்வு இருந்தாலும் அவர்கள் யாரையும் நம்பி அதை வெளிக்காட்டத் தயாராக இல்லை. கீழ்த்தட்டு மக்கள் தங்களது உரிமைகளுக்காக போராடி வருகின்றனர். இதில் இயலாமையின் உச்ச நிலையை அடைந்த முத்துக்குமாரன், செங்கொடி போன்றோர் தங்கள் இன்னுயிரை துறந்தனர். முல்லைப் பெரியாறு போராட்டத்திலும் தங்களது உயிரை விட சிலர் முயன்றனர்.

ஆனால் தமிழகத்தின் தற்போதைய காலகட்டம் மிகவும் முக்கியமான கால கட்டம் ஆகும். தமிழகம் இந்தியா சுதந்திரம் அடைவதற்கு முன்பிருந்த நிலையில் உள்ளது. ஆனால் இந்தியாவுக்காக ஒரு காந்தி இருந்தார். தமிழகத்திற்கு ஒரு தலைவர் இல்லை. எனவேதான் பொங்கி வரும் உணர்வை தமிழர்கள் கட்டுப்படுத்திக் கொள்ள வேண்டும். சுதந்திரம் பெற்ற பின் இந்தியா, தமிழர் தொடர்பான பிரச்சனைகளில் தமிழருக்கு எதிரான நிலையையே எடுத்து வந்திருக்கிறது. எனவே இனியும் இந்தியாவை நம்பி பலன் இல்லை.

செய்ய வேண்டியது என்ன?
எனவே இளைஞர்கள் தங்கள் எதிர்கால வாழ்க்கை, தமிழர் பாதுகாப்பு, உரிமைகளை கருத்தில் கொண்டு தொலை நோக்குப் பார்வையுடன் சிந்தித்துச் செயல்பட வேண்டும். அவர்கள் உணர்வு கொண்ட சக தோழர்களை அடையாளம் காண வேண்டும். அவர்களோடு இணைந்து அறிவுப் பூர்வமாக செயல்பட வேண்டும். தனித் தனி அமைப்புகளில் இருந்து கூட ஒன்றாக செயல்படலாம். ஆனால் நோக்கம் ஒன்றாக இருக்க வேண்டும். அவ்வாறு செயல்படும்போது உங்களுக்குள் சிறந்த தலைவர்களை நீங்கள் அடையாளம் கண்டு தேர்ந்தெடுத்துக் கொள்ளலாம்.

அதிகாரத்தை பெற முடிகிறதோ இல்லையோ கிடைக்கிற நேரங்களில் நேரடியாக மக்களிடம் செல்லுங்கள். வீடு வீடாக, தெரு தெருவாக சென்று அவர்களது பிரச்சனைகளை கண்டறியுங்கள். அந்த பிரச்சனைகளை போக்க என்னனென்ன செய்ய வேண்டுமோ அவற்றை செய்யுங்கள். அதில் தோல்வி ஏற்படலாம். அதனால் துவண்டு விடாதீர்கள். தொடர்ந்து மக்களோடு இணைந்து பணியாற்றுங்கள். நீங்கள் மக்களின் மனதில் இடம் பிடித்து விடலாம். அப்போது நீங்கள் மக்களின் பிரதிநிதிகளாகலாம்.

சட்டசபையில் திராவிட கட்சிகளைவிட அதிக இடங்களை கைப்பற்ற வேண்டும். அதன் பின் அரசியலில் புதிய மாற்றங்களை கொண்டு வரவேண்டும். தமிழ் மக்கள் சிறந்த அரசியலை நடத்தக் கூடியவர்கள் என்பதை நிரூபித்துக் காட்டவேண்டும். அதற்காக என்னென்ன சாதனைகள் செய்ய வேண்டுமோ அத்தனை சாதனைகளையும் செய்ய வேண்டும். முதலில் கற்றறிந்தோரை ஒன்று சேருங்கள். அவர்களின் வட்டங்களை பெரிதாக்குங்கள்.

இந்த வட்டம் பெரிதாகும்போது உங்களது வேலைகள் எளிதாகிவிடும். சாதிப் பிரச்சனை தமிழனுக்கு முதல் எதிரி என்பதை கண்டுகொள்ளுங்கள். எனவே மாற்றுச் சாதிகளைச் சேர்ந்த ஒத்த கருத்துடைய தோழர்களை ஒன்று சேருங்கள். அனைவருக்கும் சாதிச் சமநிலையை உணர்த்துங்கள். அதன் பின் சாதி மறைந்து விடும். படித்த பெரியவர்களை ஒன்று சேருங்கள். அவர்களின் அறிவுரையின்படி ஆங்காங்கே நிலவும் சிறு சிறு பிரச்சனைகளை முளையிலேயே கிள்ளிப் போடுங்கள். தமிழ்ச் சாதிகள் இடையே அனைவரும் சமம் என்ற எண்ணம் ஏற்பட வேண்டும். அதன் அடுத்த நிலைதான் சாதியற்ற சமுதாயம். சாதிச் சமநிலை ஏற்பட்டால் சாதியற்ற சமுதாயம் தன்னால் உருவாகும். சாதிகள் ஒன்றிணைந்தால் தமிழனை ஏமாற்றுபவர்களுக்கு வேலை இல்லாமல் போய்விடும்.

சமூக ஒருங்கிணைப்பை உருவாக்குங்கள். ஒவ்வொரு பிரச்சனைக்கும் அரசாங்கத்தையே எதிர்பார்த்துக் காத்துக் கொண்டிருக்காமல், மக்கள் தாங்களாக தேவைகள் மற்றும் பிரச்சனைகளை தீர்த்துக் கொள்வதற்கான வழிமுறைகளை ஏற்படுத்திக் கொடுங்கள். எனவே என் உணர்வுள்ள தமிழ் மக்களே உணர்ச்சி வசப்பட வேண்டாம். உணர்ச்சி அரசியலை கைவிடுங்கள். நிதானத்துடன் தொலைநோக்குப் பார்வையுடன் அரசியல் செய்ய ஆரம்பியுங்கள். உங்களது எதிர்காலம் உங்கள் கையில்தான் உள்ளது.

Tuesday, December 27, 2011

தமிழினம் ஒரு இனமா?

எனது அன்புக்குரிய இந்தியதேசாபிமானி திரு ராஜா சங்கர் அவர்களே,

//தமிழர்கள் ஓர் இனம், ஓர் தேசியம் என்று சொல்பவர்கள் தான் அது எவ்வாறு இனமாக ஆகிறது எவ்வாறு தேசியமாக ஆகிறது என சொல்லவேண்டும்.
---------

முன்பு கேட்ட கேள்வியை திரும்பவும் காப்பி பேஸ்டுகிறேன்.

1. தமிழர் என்பது எப்படி ஓர் இனமாக ஆகிறது?

இனம் என்பதன் வரையறை கீழே,

http://en.wikipedia.org/wiki/Race_%28classification_of_humans%29//

//Race is a classification system used to categorize humans into large and distinct populations //


தமிழர்கள் பெரும் எண்ணிக்கையிலான, தனிப்பட்ட மக்கள்

//or groups by heritable phenotypic characteristics, //

ஒரேமாதிரியான அம்சங்களை பாரம்பரியமாக பெற்றவர்கள்

//geographic ancestry, physical appearance, and ethnicity. //

ஒரே நிலப்பரப்பை சேர்ந்த, உருவத்தோற்றத்தை பெற்றவர்கள், பண்பாட்டுக்குழு இவை அனைத்தும் தமிழருக்கு பொருந்துகின்றன. (பச்சக் பச்சக்ணு பொருந்துது)


//In the early twentieth century the term was often used, in its taxonomic sense, to denote genetically diverse human populations whose members possessed similar phenotypes.[1] This sense of "race" is still used within forensic anthropology (when analyzing skeletal remains), biomedical research, and race-based medicine//

ஒரேமாதிரியான உடலமைப்பை கொண்டவர்கள்,

//[2] In addition, law enforcement utilizes race in profiling suspects and to reconstruct the faces of unidentified remains. Because in many societies, racial groupings correspond closely with patterns of social stratification, for social scientists studying social inequality, race can be a significant variable. //

இனம் என்பது குறிப்பிடத்தக்க வேறுபாட்டைக் கொண்டதாகவும் இருக்கலாம்.

//As sociological factors, racial categories may in part reflect subjective attributions, self-identities, and social institutions.[3][4] Accordingly, the racial paradigms employed in different disciplines vary in their emphasis on biological reduction as contrasted with societal construction.//

//ஆனால் எத்னிக் அதாவது பண்பாட்டு குழு என பொருள் படும் சொல் ஒரே பரம்பரையில் வந்தவர்கள், ஒரு கலாச்சாரத்தை பேசுபவர்கள், ஒரு மதத்தை கடைபிடிப்பவர்கள், ஒரு மொழியை பேசுபவர்கள் என வரையறை செய்கிறது.
அதன் சுட்டி கீழே//


உண்மைதானே தமிழர்கள் ஒரே பரம்பரையில் வந்தவர்கள்தான், ஒரே கலாச்சாரத்தை, கொண்டவர்கள். ஒரு மொழியை பேசுபவர்கள். பல மதங்களை கடைப்பிடித்தால் அது இனம் இல்லை என்று சொல்லிவிடமுடியாது.

//http://en.wikipedia.org/wiki/Ethnicity

An ethnic group (or ethnicity) is a group of people whose members identify with each other, through a common heritage, often consisting of a common language, a common culture (often including a shared religion) and/or an ideology that stresses common ancestry or endogamy.[1][2][3] Another definition is "...a highly biologically self-perpetuating group sharing an interest in a homeland connected with a specific geographical area, a common language and traditions, including food preferences, and a common religious faith".[4] The concept of ethnicity differs from the closely related term race in that "race" refers to grouping based mostly upon biological criteria, while "ethnicity" also encompasses additional cultural factors.

இந்த இரண்டின் படியும் தமிழினம் ஒரு இனம் என்ற வரையறைக்குள் வராது. ஒரு மொழிக்குழு என்றெல்லாம் இழுத்து நீட்டி சொல்லாமே ஒழிய இனம் எனும் தகுதி தரமுடியாது. //


இரண்டின்படியும் தமிழினம் ஒரு இனமே, பண்பாட்டுக் குழுவே என்பது அப்பட்டமாக நிரூபிக்கப்படுகிறது. அதற்கான சான்றிதழை நீங்கள் தரத்தேவையில்லை.

//நீங்கள் தமிழினம் என்று சொல்லும் போது யாரெல்லாம் இந்த தமிழர்கள், தமிழ் இனத்தினர் என்றெல்லாம் வரையறை செய்யமுடியுமா? ஏனென்றால் வேற்று மொழியை தாய் மொழியாக கொண்டவர்கள் தலமை அமைச்சர் ஆக முடியாது என்று வேறு சொல்லியிருக்கிறீர்கள். //

தமிழை தாய்மொழியாகக் கொண்டவர்களும், தமிழ் மொழியை பேசுபவர்களும் தமிழர்களே. ஆனால் தலைமை பொறுப்பிற்கு வருபவர் தமிழை தாய்மொழியாகக் கொண்டிருக்க வேண்டும். ஏனெனில் நாங்கள் எங்கள் மொழியையே அடிப்படையாகக் கொண்டு எழுகிறோம். எங்களை மொழியை அடையாளமாகக் கொண்டே எதிரிகள் எங்களுக்கு துரோகம் செய்கின்றனர். எனவே எங்கள் மொழிக்கு முக்கியத்துவம் கொடுக்கும் வகையில் இதனைச் செய்கிறோம். மாற்று மொழிகளை தாய்மொழியாகக் கொண்டவருக்கு அரசின் இரண்டாம் நிலை பதவியான துணை தலைமை அமைச்சர் பதவி வரை கொடுக்கிறோம். இதனை அவர்களை பெருமைப் படுத்தும் விதமாகவே கருதுகிறோம். எங்கள் மொழியை தாய் மொழியாகக் கொண்டவருக்கு அதி முக்கியத்துவம் தரவேண்டும் என்பதற்காகவே அவருக்கு தலைமை அமைச்சர் பதவி தருகிறோம்.

//அடுத்து நீங்கள் முன்வைக்கும் தேசிய இனம் என்பதற்கு என்ன அடையாளம்? நீங்கள் சொல்லும் 56 தேசம் மேற்கே ஈரானில் இருந்து கிழக்கே பர்மா வரையும் தெற்கே இலங்கையில் இருந்து வடக்கே இன்றைய திபெத் வரையிலும் உள்ளடக்கிய தேசங்கள். அடுத்து அந்த இனங்கள் தன்னுரிமையோடு எப்பவும் இருந்தன என்பது வரலாற்று பிழை. அப்படி இருக்கவில்லை. ஒரிய இனம், மராத்தி இனம், மத்திய பிரதேஷ் இனம், மைதிலி இனம், ஆந்திர/தெலுங்கு இனம், கன்னட/கர்நாடக இனம் என்றெல்லாம் யாரும் உரிமை கொண்டாடுவதில்லை. அப்படி யாரும் சொல்லவும் இல்லை. //

எங்கள் தமிழ் தேசிய இனத்திற்கு முக்கிய அடையாளமே எங்கள் மொழிதான். மற்றபடி எங்களுக்கு அந்த 56 தேசங்களைப் பற்றி கவலையில்லை. இந்த தேசங்கள் எப்போதும் இறையாண்மை பெற்றிருக்க வில்லை என்பது உண்மையே. அதேவேளையில் எப்போதும் அடிமைப்பட்டும் இருந்தன என்பதும் உண்மையில்லை.

ஒரிய, மராத்தி, மைதிலி, தெலுங்கு, கன்னட மொழிகளை தாய்மொழியாகக் கொண்டவர்களுக்கு அவர்களின் மொழியின் முக்கியத்துவம் தெரியாவிட்டால் நாங்கள் அவர்களுக்கு பாடம் நடத்த முடியாது. அவர்கள் தங்களை இனம் என்று அடையாளம் கண்டுகொண்டாலும் கண்டுகொள்ளாவிட்டாலும் எங்களுக்குப் பிரச்சனையில்லை. அதற்காக நீ ஏன் கண்டுகொள்கிறாய் என்று யாரும் கேட்க முடியாது.

ஒருவேளை அவர்கள் இந்தியத்தில் மண்ணாகிப்போனால் பின்வரும் அவர்களது சமூகம் கல்வெட்டுக்களை ஆராய்ந்து தங்களது தேசிய மொழி எவ்வாறு அழிக்கப்பட்டது என்று ஆய்வு செய்து தெரிந்துகொள்வார்கள்.


//ஆக முதலில் தமிழர்களின் இனம் என்பது என்ன? அந்த இனத்தின் உடற்கூறுகள், பண்பாட்டு கூறுகள், மொழிக்கூறுகள் என்பவை என்ன? யாரெல்லாம் தமிழர்கள்/தமிழினத்தினர் என்ற வரையறைக்குள் வருவார்கள் என்று சொல்வீர்களாயின் கட்டுரையின் மற்ற பகுதிகளை பற்றி பேசலாம். அடிப்படையிலேயே ஓட்டை இருக்கும் போது மற்றவற்றை விவாதித்து வீண். //


நான் ஏற்கனவே சொன்னது போல தமிழ் இனம் என்பது ஒரே மொழி, ஒரே உருவ அமைப்பு, ஒரே உடை, ஒரே நிலம், ஒரே பாரம்பரியம், ஒரே உணவுப்பழக்கம் கொண்டதாக உள்ளது. வெறுமனே சாதி, மத வேறுபாடுகளைக் கொண்டு தமிழ் இனத்தை இனமல்ல என்பது யானையை பார்வையற்றோர் தடவிப்பார்த்த கதைதான்.

இந்த வாதத்தின் மூலம் நீங்கள் இருக்கிற தமிழினத்தை இல்லை என்று கூறி இல்லாத இந்தியத்தை நீங்கள் கட்டிக்காக்கவும் முற்படுவது தெரிகிறது.

என் கட்டுரையின் மற்ற பகுதியை படிப்பீர்களோ மாட்டீர்களோ நான் முன் வைத்துள்ள கேள்விகளுக்கு பதில் சொல்ல முடிந்தால் சொல்லுங்கள். இல்லைவிட்டால் விலகிக் கொள்ளுங்கள். அல்லது ஏற்கனவே குழுமத்தினர் கேட்டுக் கொண்டது போல உங்களது இந்திய தேசியத்தின் அருமை - பெருமைகள், அது எதிர்நோக்கும் பிரச்சனைகள், அதனை எப்படி சாதுர்யமாக போக்கி இந்தியத்தை கட்டிக் காப்பீர்கள் என்பதைப் பற்றி கட்டுரையாக எழுதுங்கள் (அது ஓட்டையாக இருந்தாலும்) நாங்கள் முழுவதும் படிக்கத் தயாராக இருக்கிறோம்.

Monday, December 26, 2011

இந்தியா தானாக தன்னை உடைத்துக் கொள்ளுமா? 1

//சுவாதியின் பல தெளிவான கருத்துக்களுக்குப் பாராட்டுக்கள்.

நண்பர் தேவனைப் போல தமிழ்நாட்டின் நேர்மையான சிந்தனையாளர்கள்
மனம் புழுங்கிப் போய்க் கிடக்கிறார்கள். ஈழத்தில் ஒரு பிரபாகரன் தோன்றி
பல பிரபாகரர்களை வளர்த்தும் விட்டார். வெற்றி தோல்வி என்பதைத் தள்ளி வைத்து விட்டுப் பார்க்கையில், என்றைக்கும் விடிவெள்ளியாய் பிரபாகரனின் தாக்கம் இருக்கும். அதே சமகாலத்தில் தமிழகத்தில் சில கருணாக்கள் தோன்றி பல்லாயிரம் கருணாக்களைத் தமிழ்நாட்டுள் தோற்றுவித்திருக்கிறது. இந்தப் பிற்போக்கின் தாக்கத்தினைக் கடந்துதான் நல்லவை தோன்றமுடியும். //


திரு நாக. இளங்கோவன் அவர்களே,

தேசியத் தலைவர் பிரபாகரன் தோற்றுவித்த இன உணர்வை இன்று நாம் தமிழகமெங்கும் காண்கிறோம். கருணாக்கள் இல்லை என்றில்லை. ஆனால் ஊரெல்லாம் பிரபாகரன் ஆகும்போது எத்தனை கருணாக்கள் வந்தாலும் நிற்க முடியாது.

தமிழ் மக்களிடையே, குறிப்பாக கற்றறிந்தோர், உணர்வால் கொந்தளித்து உள்ளவர்களிடையே ஒரு அரசியல் தெளிவு வேண்டும். இப்போது தனித்தனியே அரசியல் பேசினாலும் வெளியில் அரசியல் பேச பாதிக்கும் மேற்பட்டோர் தயங்குகின்றனர். காரணம் உயிரச்சம், வாழ்க்கையே போராட்டமாக மாறிவிடுமோ என்ற அச்சம், காட்டிக் கொடுக்கும் கயவர்களின் அச்சம்.

முதலில் இந்த அச்சத்தை போக்க வேண்டும். அதன் பின் தமிழர்களால் ஒரு சிறந்த நாட்டை, அரசியலை உருவாக்க முடியும், அதற்காக ஆயுதம் ஏந்திப் போராட வேண்டும் என்ற அவசியமில்லை என்பதை தெளிவாக புரியவைக்க வேண்டும். அவ்வாறு செய்பவர்கள் முதலில் தங்களை நம்பகமான தலைவர்களாக, மற்றவர்கள் செய்ய இயலாத வேலையை செய்யக் கூடியவர்களாக மக்களின் முன்னே நிரூபித்துக் காட்ட வேண்டும். இதைச் செய்துவிட்டால் மக்களின் போக்கு மாறிவிடும். நாம் எதிர்ப்பார்ப்பதை விட அதிக ஆதரவு கிடைக்கும்.

//நன்கு கூர்ந்து கவனியுங்கள்; மொழி உணர்வு, இனவுணர்வு என்பது எப்படிக் கீழறுக்கப் படுகிறது என்று நன்கு கவனியுங்கள். இந்தக் கீழறுப்புகள் தமிழர்களாலேயே அதிகம் செய்யப்படுகிறது என்பதையும் நாம் ஆழ்ந்து சிந்திக்க வேண்டியிருக்கிறது.

இந்தச் சுட்டியினையும் இதன் தொடர்களையும் கவனித்துக் காணுங்கள்.
http://www.youtube.com/watch?v=yTj9tJ5iyyY&list=PL0591AEBC85FEB435&index=1&feature=plpp_video
இது நடந்து 40+ ஆண்டுகள் ஆனாலும் தமிழகத்தில் எந்த ஊரிலும் சாதியோ, முதலாளியத் திமிரோ குறிப்பிடத்தக்க அளவு குறையவில்லை. பரமக்குடி துப்பாக்கிச் சூடு ஒரு பச்சை சாதிய முத்திரை,

இந்த நிலை மாற்றமடையக் காலம் ஆகும். அந்த மாற்றம் வராதவரை தமிழகம் தமிழகமில்லை. ஆனால், அந்தக் காலம் வரும் என்ற நம்பிக்கை நண்பர் தேவனைப் போல பலருக்கும் ஏற்பட்டிருப்பது உண்மை.//

நீங்கள் அனுப்பிய காணொளியை பார்த்தேன். தமிழ்தேசியவாதிகளின் முன்னே நிற்கும் முதல் பிரச்சனை சாதிப்பிரச்சனை இந்த பிரச்சனையை இவர்கள் தீர்த்து வைத்தாலே பாதிக் கிணறு தாண்டிய மாதிரித்தான். சாதிப் பிரச்சனைக்கு தீர்வுண்டா என்று இதுபற்றி எனது வலைப்பூவில் எழுதியுள்ளேன். இந்த பிரச்சனை எளிதாக முடிக்க கூடிய ஒன்று. ஆனால் அதனை முடிக்க எந்த தலைவரும் முன்னெடுக்க வில்லை என்பதுதான் உண்மை. ஏதாவது ஒரு மோதல் ஏற்பட்டால் குய்யோ முறையோ என்று கூச்சலிடுவார்கள். அதன் பின் அந்த பிரச்சனையை மறந்து விடுவார்கள்.

எந்தவொரு பிரச்சனையுமே திடீரென ஏற்படுவதில்லை. அதற்கு முன்பின் நிகழ்வுகள் இருக்கின்றன. அந்த நிகழ்வுகளை நிறுத்தி விட்டாலே அந்த பிரச்சனை ஏற்படாது. அதனை செய்வது எளிது. அண்மையில் தீர்க்கப்பட்ட உத்தப்புரம் பிரச்சனை அதற்கு எடுத்துக்காட்டு. இதற்கு மேல்த் தட்டு மக்களிலிருந்து அடித்தட்டு மக்கள் வரை இணைந்து செயல்பட வேண்டும். இந்த நிலை மாற வேண்டிய அவசியம் ஏற்பட்டுள்ளது. அது நிச்சயம் மாறும். தனித்தமிழ் நாடு பிறக்கும். அதற்கு அடுத்த நொடியே தமிழீழம் பிறக்கும் என்று உறுதியாக நம்புகிறேன்.

பிரச்சனைகளை முன் வையுங்கள் அவற்றை ஆக்கப்பூர்வமாக விவாதிக்கலாம். அது அவற்றை போக்க உரமாக அமையும்.

இந்தியா தானாக தன்னை உடைத்துக் கொள்ளுமா?

// சகோதரர் தேவன் அவர்களுக்கு!

தமிழர்களுக்கென்று தனி நாடு உலகின் எந்த மூலையிலாவது வர வேண்டும் என்று வெந்து கொண்டிருக்கும் புண்பட்ட தமிழர்களில் அடியேனும் ஒருத்தி தான்...
தனிப்பட்ட முறையிலும், பொதுமக்கள் ரீதியிலும் ஈழத்தமிழச்சியாக எனகென்று என் நாடு இருந்தால் எத்தனை நன்மை என்று ஏங்கி ஏங்கி சாகும் வரை வெந்து கொண்டிருக்கும் படி என் வாழ்வில், எங்கள் குடும்பங்களில் உறாவுகளில் நண்பர்களில், அயலவர்களில் என்று 1956-முள்ளியவளை வரை பாரிய இழப்புகளை அனுபவித்த ஈழத்துப் பெண் தான் நான்..!

ஏக்கம் தனி நாட்டுக்கானதாயிருந்தாலும் ..அதன் சாத்தியக்கூறுகளையிட்டு இன்று வரை கேள்விக்குறிகளோடு மட்டுமே காலம் போய்க் கொண்டிருக்கிறது. இன்று வரை தனி ஈழத்துக்காக ஏங்கிய நான் இறாந்து போனாலும் கூட தனி ஈழத்துக்கு எதிரான கருத்துக் கொண்டவர்களின் காலத்திற்கு முன் அவர்கள் கண்களுக்கு முன் தனி நாடு கிடைக்க வேண்டும் என்று விரும்புபவள் நான் .

ஆனாலும் தனிநாட்டுக்கு எதிரான கருத்துக் கொண்டவர்களின் எகத்தாளாங்களையே இன்று வரை சகித்துக் கொண்டிருக்கும் பரிதாபத்துக்குரிய ஈழத் தமிழர்களில் ஒருவள்...தான் நான்!!

சமீப காலமாக தமிழகத்தில் தலையெடுத்திருக்கும் தனித் தமிழ் நாட்டுக்கான போராட்டம் பற்றி நானும் செய்திகள் மூலம் அறிந்து கொண்டிருக்கிறேன். எங்களுக்கு கிட்டாதது எங்கள் தொப்புள் கொடி உறவுகளுக்காவது கிட்ட வேண்டும் என்பது எனது அவா.

ஆனால்....என்னிடம் சில சந்தேகங்களும், சில கருத்துகளும் இருக்கின்றன. அவற்றை இங்கு உங்களுடன் பகிர்வதில் தவறில்லை என்றே எண்ணுகிறேன்.

தனித் தமிழ் நாட்டுக்கான புரட்சி என்பது இன்னும் செயல் வடிவில் தமிழகத்தில் வரவில்லை; மத்திய அரசுக்கு பூச்சாண்டி காட்டும் விதத்தில் அதை ஒரு பகடைக் கருத்தாகவே இந்த வினாடி வரை தமிழகத்தில் அரசியல் வாதிகளும் சரி, அரசியலைப் பிடிக்க நினைக்கும் மற்றவர்களும் சரி உபயோகப்படுத்துகின்றனர் என்பது தான் என் கருத்து.

தமிழகத்தின் வெகு சாதாரண பொதுமக்களில் கூட அமைதியாயிருந்த தமிழ் உணர்வு மிக்க இளைஞர்களை முள்ளிவாய்க்கால் போர் தட்டி எழுப்பியிருப்பது உண்மை தான். அவர்கள் மனங்களில் இந்தியாவின் பச்சைத் துரோகத்தை மன்னிக்கும் மாற்றுக் கருத்துக்கு இடமில்லாமல் இருப்பதும் உண்மை தான்...

ஆனால் இந்த உணர்வும் சரி , தேசியத் தலைவரின் விடுதலைப் போராட்டத்தை போற்றும் வீறும் சரி இன்றைய காலகட்டத்தில் உங்கள் உணர்வுகளை எந்த வடிவில் பதிவு செய்ய போகிறது என்பது தான் எனது சந்தேகம்???//


சகோதரி சுவாதி அவர்களே,
இதுநாள் வரை தமிழ் மக்கள் இந்திய தேசத்தில் நம்பிக்கை வைத்து அதையே தங்களது நாடு என்று நம்பி வந்தனர். ஆனால் இந்தியா தொடர்ந்து துரோகம் செய்து வருகிறது. இது அண்மைக் காலங்களில் தமிழர்களால் தெளிவாக உணரப்பட்டு வருகிறது.

இன்றைய தமிழ் அரசியல் நிலைக்கு வேறு யாரும் காரணம் அல்ல தமிழர்களே. தமிழர்கள் தான், தங்களது குடும்பம், வேலை, தொழில், சம்பாத்தியம் என்பதை மட்டுமே நோக்கமாக கொண்டு வாழ்ந்து வந்தனர். அரசியலில் ஆர்வம் காட்டவில்லை. அரசியலில் ஈடுபட வேண்டும் என்ற எண்ணம் சாதாரண மக்கள் மட்டுமல்ல கற்றறிந்த சான்றோர்களிடமும் ஏற்படவில்லை. அத்தகைய எண்ணம் ஒருசிலரிடம் இருந்தாலும் அவர்களது எண்ணத்தை, மக்கள் ஆதரவுடன் செயலுக்கு கொண்டு வரமுடியாதவர்களாக, அல்லது தெரியாதவர்களாக இருந்தனர். இதுதான் இன்றைய தமிழரின் நிலை. அது ஈழப்போரின்போது தமிழர்களின் இயலாமையை வெளிப்படுத்தியது. ஆனால் பலன் ஒன்றும் இல்லை. இப்போது அரசியல் செய்ய வேண்டும், உரிமைக்காக போராட வேண்டும் என்ற எண்ணமே மேலோங்கி நிற்கிறது. இந்த எழுச்சியை வழிமுறைப்படுத்தும் தலைவர்கள் இல்லை. இதற்கு அவர்கள் ஊறிய இந்திய அரசியலே காரணம்.

இன்னமும் அனுபவம் வாய்ந்த அரசியல்வாதிகள் கூட தொலைநோக்குப் பார்வையுடன் அரசியல் செய்யாமல் பிரச்சனை அடிப்படையிலான அரசியலையே செய்து வருகின்றனர். இந்த நிலை மாறும் என்று நம்புவோம். அதற்கான முன்னெடுப்புகள் நடைபெற்று வருகின்றன. அது வெற்றி பெறும் என்று நம்புகிறேன்.

//முத்துக்குமார் தொடங்கி சகோதரி செங்கொடி வரை கருகிச் சாம்பலானது தான் பலன்..! அவர்களுடைய உயிர்க் கொடைக்கு இன்று வரை --இந்த நொடி வரை எந்த ஒரு இளைஞனின் தமிழ் உணர்வாலும் சரி, கொந்தளிப்பாலும் சரி நிகர் காண முடிந்ததா?? அல்லது முடியுமா?? சந்தேகம் தான்!

தமிழத்தில் எந்தப் போராட்டமானாலும் ஒரு தீக்குளிப்பு தான் முன்னிற்கிறது. அல்லது அடையாள உண்ணாவிரதமாயோ ஒரு நாள் கடையடைப்பாயோ தான் இருக்கிறது. இத்தகைய போராட்டம் எந்த வகையிலும் எந்த எதிரியையும் சீந்தாது.//

தீக்குளிப்புகள் உணர்வின் வெளிப்பாட்டால் என்னசெய்வது என்று தெரியாமல் இளைஞர்கள் தங்கள் இயலாமை காரணமாகவே தற்கொலை செய்துகொள்கின்றனர். அவர்களை வழிப்படுத்த வேண்டிய தேவை ஏற்பட்டுள்ளது. அதே நேரத்தில் ஆயுதப் போராட்டம் என்பது இந்திய சூழலில் சிறந்த போராட்டமாக அமையாது. காரணம் இந்தியா என்ற வல்லரசு தேசிய இனங்களை நசுக்குவதில் கரைகண்டுள்ளது. உதாரணமாக பஞ்சாப் போராட்டத்தை இந்தியா நசுக்கியதை கூறலாம்.

மேலும் காலங்காலமாகவே இந்தியர்கள் ஆயுதப்போராட்டத்தில் நம்பிக்கை இல்லாதவர்களாக இருக்கின்றனர். இதன் காரணமாகத்தான் காந்தி அமைதிப்போராட்டத்தை கையிலெடுத்தார். அது வெற்றிக்கு வழிவகுத்தது. தற்போதைய காலகட்டத்தில் அறவழிப் போராட்டத்தை இந்தியாவால் நசுக்க முடியாது. அதுவே தனித் தமிழ்நாட்டுக்கான சிறந்த போராட்ட முறையாக இருக்கும். அதற்காக அது வெறும் ஆர்ப்பாட்டமாக, உண்ணாவிரமாக இருக்கும் என்று கருத வேண்டாம். இந்திய கூட்டாச்சியின் அச்சாணியை உடைக்கும் அறவழிப்போராட்டத்தை நடத்த இயலும்.


//இந்தியாவைப் பொறுத்தவரை ....பொதுமக்களின் மனநிலையைப் பொறுத்தவரை குடும்பம், படிப்பு, வேலை, கல்யாணம், சகோதரிக்கு வரதட்சணை சேர்ப்பது, மாமனாரிடம் தலைத் தீபாவளிக்கு சீர் வாங்குவது என்ற ரீதியில் தான் வாழ்கை போய்க் கொண்டிருக்கிறது.. 4 வருடத்துக்கு ஒரு முறை காசுக்கு வாக்கு விற்பது அல்லது போன அரசின் மீதிருக்கும் அதிருப்தியை பதிவு செய்ய இன்னொரு மோசமான கட்சியை அரசுக் கட்டிலில் ஏற்றுவது , திரைப்பட நாயகனுக்கு கட் அவுட் வைப்பது, அவனுக்காக அலகு குத்துவது, மண் சோறு சாப்பிடுவது...இத்யாதி...இத்யாதி...!!

விதி விலக்காக ஏதாவது சமூகத்துக்கு நல்லது செய்ய வேண்டும் என்று நினைத்து இந்த வட்டத்தை விட்டு வெளியில் வந்த இளைஞர்களுக்கும் போராட்ட வடிவத்தின் குழப்ப நிலையில், மனதுக்கு பிடித்த ஒரு அரசியல்வாதி அல்லது நடிகன் பின்னால் ஊர்வலம் போவதும், உண்ணாவிரதமிருப்பதுமாய் தனது போராட்டத்தை நடத்த முற்படுகிறார்களே தவிர தங்களை வழிகாட்டும் நபர் பாரிய உரிமைப் போராட்டத்தை எடுத்து நடத்தும் வலுவுடையவரா என்ற சிந்திப்பு இவர்களிடம் இருப்பதாய் தெரியவில்லை. எப்படியாவது எதிர்ப்பை பதிவு செய்ய வேண்டும் என்று நினைக்கிறார்களே தவிர அந்த தம்முடைய வீணாக்கப்பட்ட சக்தியினால் நல்ல விடியல் வருமா என்று அவர்கள் நினைத்துப் பார்ப்பதாக நான் நினைக்கவில்லை... அப்படி நினைத்திருந்தால் இப்போது இன்றைய நிலையில் எந்த அரசியல்வாதியும் தலைவர்களாக இருக்க மாட்டார்கள். //

இந்திய தமிழர்களின் குடும்ப அமைப்பு, போராட்டம் பற்றிய அச்சம் காரணமாகவே பலரும் தங்களது உணர்வை வெளிப்படுத்தவும் மறுக்கிறார்கள். இதற்கு இன்னொரு காரணம் தலைவர்கள் மீதான அவநம்பிக்கை. எந்தவொரு தலைவரும் இதுவரை கொள்கை பிடிப்போடு இருந்தது கிடையாது. எனவே மக்கள் அவர்களை நம்ப தயாராக இருப்பதில்லை. அதோடு சாதிப் பிரச்சனையும் பெரும் பிரச்சனையாக உள்ளது. தனித் தமிழகத்திற்கு முதலில் சாதிப் பிரச்சனையை வெல்ல வேண்டும். ஆனால் இந்த பிரச்சனையை போக்குவது பற்றி இதுவரை எந்த தலைவரும் சிந்திக்கக் கூட இல்லை.

அடுத்த நடவடிக்கை குழம்பிய மனநிலையில் உள்ள இளைஞர்களிடம் தெளிவை ஏற்படுத்துவது. இது போராட்டம் முறை பற்றிய தெளிவு. அரசியல் பற்றிய தெளிவு ஏற்படவேண்டும். இன்று அரசியல் என்பது தமிழகத்தில் உள்ள அதிமுக, திமுக அரசியல்தான் என்ற தவறான எண்ணம் உள்ளது. இதற்கு காரணம் தமிழக மக்களுக்கு அரசியல் பற்றிய தெளிவின்மையே. இதனை தெளிவு படுத்தினால் மக்களின் மனநிலை மாறும் அவர்கள் ஒன்று சேர்வார்கள். மக்களே பெரும் ஆயுதமாக திரள்வர் அதனை எந்த ஆயுதத்தாலும் அழிக்க முடியாது.


//இப்போதிருக்கும் அரசியல்வாதிகளை (வேதனையாகத் தான் இருக்கிறது சொல்வதற்கு ஆனால் என் மனதில் இருக்கும் அபிப்பிராயத்தை மறைக்க விரும்பவில்லை..) பார்க்கிலும் பாலியல் தொழிலாளிகள் மேலானவர்கள் என்பது என் கருத்து. திரையில் நன்றாக நடிக்க வராத நடிகன் கூட அரசியலில் குதித்ததும் அற்புதமாக நடிக்கிறான்...அடுக்கு மொழியில்வசனம் பேசுகிறான். சாதாரண வாழ்வில் நேர்மையாக் இருக்கும் மனிதன் கூட தமிழகத்தின் அரசியல் சகதியில் கால் வைத்தால் கொலைக்கும் அஞ்சாத பாதகனாகிவிடுவான்..அப்பேற்பட்ட அரசியல் விபச்சாரிகளை தலைவர்களாக பின் பற்றும் எந்த இளைஞனாலும் தன்னுடைய சரியான உணர்வுகளுக்கான தகுந்த போராட்ட வடிவமோ, விடிவோ கிடைக்கப் போவதில்லை.

பிரபாகரனுக்கு நிகரான தலைவன் வந்தால் கூட இந்தியாவில் தனித்தமிழ் நாட்டுக்கான போராட்டம் சரியாக நடத்தப்படுமா என்பது கேள்விக்குறியே....ஏனெனில் ஈழத்தின் போராட்டத்தையே ஒடுக்கிய இந்திய அரசு தன் சொந்த தேசத்தில் அப்படியொரு போராட்டம் தொடங்கப் போகிறது என்ற உடனேயே முளையிலேயே கிள்ளி எறிந்துவிடும்...இந்தியாவால் அது சாத்தியமே...உண்மையா இல்லையா?? அதுமட்டுமல்ல பிரபாகரனின் போராட்ட வடிவத்தை வழி நடத்த தற்போதைய நிலையில் நிகரான தலைமை எங்கேயுமே இல்லை..தவிர ஆயுதப் போராட்டத்தில் உயிர்களைப்பறி கொடுக்க இன்றைய காலகட்டத்தில் தமிழகத்தில் எந்த இளைஞனும் விரும்புவான் என்று நான் நினைக்கவில்லை விதிவிலக்காக சில செங்கொடிகள் , சில முத்துக் குமாரர்களைத் தவிர..அவர்கள் மட்டும் போதுமா...நாடு பெறுவதற்கு??

அரசியல் ரீதியில் பேச்சு வார்த்தை மூலம் இந்தியா தன்னைத் தானே துண்டாக்கிக் கொள்ளுமா என்ன?? //


இப்போதுள்ள அரசியல்வாதிகள் சூழ்நிலையால் அரசியல்வாதிகள் ஆனவர்கள். வேறு மாற்று இல்லாத காரணத்தால் மக்கள் இவர்களை தேர்ந்தெடுத்து வருகின்றனர். இவர்களை மக்கள் நம்பாத நிலையில் இவர்கள் இல்லாத நிலை ஏற்படும். அது தனித் தமிழ் நாட்டிற்கு வழிவகுக்கும்.

நிச்சயம் பிரபாகரனின் வழியில் சென்றால் இந்தியாவிடமிருந்து சுதந்திரம் பெற முடியாது. ஆனால் காந்தியின் வழியில் சென்றால் இந்தியாவால் தமிழக சுதந்திரத்தை தடுக்க முடியாது. தமிழ்நாட்டின் சுதந்திரத்திற்கு பெரிய போராட்டங்களோ, உயிர்ப்பலிகளோ தேவையில்லை. மக்களின் ஒருமித்த ஆதரவு இருந்தால்போதும். மக்களை அலைக்கழிக்காமல் மாபெரும் போராட்டங்களை நடத்திக் காட்டலாம்.

நிச்சயமாக இந்தியா தானாக தமிழ் நாட்டிற்கு சுதந்திரம் அளிக்க முன் வராது. ஆனால் அது அந்த நிலைக்குத் தள்ளப்படலாம். இன்று காஷ்மீர், பஞ்சாப், வட கிழக்கு மாநிலங்கள் மனதில் தாங்கள் இந்தியர் என்ற எண்ணம் இல்லை. அவர்கள் தாங்கள் விரும்பாவிட்டாலும் கட்டாயத்தின் காரணமாக இந்தியாவுடன் இருந்து வருகின்றனர்.

ஒருவேளை சோவியத் யூனியனில் ஏற்பட்டது போன்ற நிலை இந்தியாவில் ஏற்பட்டால் இந்த மாநிலங்கள் தமிழ் நாட்டுடன் தாங்களாகவே சுதந்திரத்தை அறிவித்துக் கொள்ளலாம். அப்போது இந்தியாவால் ஒன்றும் செய்ய இயலாது. அதற்கு முன்னதாக தமிழ் தேசியவாதிகள் தனிநாட்டை உருவாக்கத் தேவையான அளவுக்கு தங்களை வளர்த்துக்கொள்ள கடுமையாக உழைக்க வேண்டியிருக்கும். அவர்கள் அந்த தகுதியை பெற்ற பின்னர் வெறுமனே காத்திருந்தால்போதும் இந்தியா சுதந்திரத்தை தந்துவிடும். ஏனெனில் இந்தியாவை உடைக்க இந்தியர்கள் கனகச்சிதமாக செயல்பட்டு வருகின்றனர்.

சகோதரிக்கு எந்தவித கேள்விகளையும் தாராளமாக கேளுங்கள், பதில் சொல்கிறேன்.

தமிழீழத்தை நினைவுறுத்தும் ஃபிரான்ஸ்

(யோகன்னா யாழினிக்கு வந்த மின்னஞ்சல்)

விடுதலைப்புலிகள் செய்த நல்லவை + கெட்டவை பற்றி, ஆங்கிலம் பேசக்கூடிய ஒரு ஃபிரெஞ்சுக்கார நண்பனிடம் சில மாதங்களுக்கு முன்னர் விவாதித்துக்கொண்டிருந்தேன்! அரசியல் பேசக்கூடிய அளவுக்கு அப்போது ஃபிரெஞ்சு தெரிந்திருக்கவில்லை! “ பிரபாகரன் செய்த தவறுகள்” பற்றி அவர் என்னிடம் கேள்வி எழுப்பினார்! அந்த உரையாடலில் இடையிலே, நான் பின்வருமாறு அவருக்கு சொன்னேன்! “ நாங்கள் பிரபாகரனை மறந்துவிட்டு, அமைதியாக வாழ தயாராக இருக்கிறோம்! ஆனால் உங்கள் நாடு, எங்களுக்குப் பிரபாகரனை மறுபடியும் மறுபடியும் நினைவூட்டுகிறது” என்று! இதனைக்கேட்ட நண்பருக்கு அதிர்ச்சி! “ என்னது ஃபிரான்ஸ் நாடு, பிரபாகரனை ஞாபகப்படுத்துகிறதா? அது எப்படி? “ என்றுஅவசரமாகக் கேட்டார்! அவரிடம் நான் சொன்னேன்! ” பிரபாகரன் ஒரு நிழல் அரசாங்கம் நடத்தினார் தெரியுமா? அது ஃபிரான்ஸ் போன்ற மேற்கு நாடுகளுக்கு நிகராக இருந்தது!” இப்போது நண்பருக்கு மேலும் மேலும் ஆச்சரியம்! “ எப்படி? எப்படி?” என்று ஆர்வமாகக் கேட்டார்! அவருக்கு நான் சொன்னவற்றை கீழே தொகுப்பாகத் தருகிறேன்!

வன்னியிலே பிரபாகரன் ஒரு நிழல் அரசாங்கத்தை நடத்தினார்! முதலிலேயே சொல்லிவிடுகிறேன், அந்த அரசாங்கத்தில் ஒரு சில இறுக்கமான கட்டுப்பாடுகள் இருந்தன! ஆனால், நிர்வாகமோ ஐரோப்பிய நாடுகளைப் போலத்தான் இருந்தது! லஞ்சம் என்ற பேச்சுக்கே இடமில்லை! ஊழல் என்றாலே என்னவென்று தெரியாது! ஏழை பணக்காரன் பேதம் இல்லை! வேலை கொடுக்கும் நிறுவனங்கள் கண் துடைப்புக்கு இண்டெர்வியூ நடத்திவிட்டு, காசு வாங்கிக்கொண்டு அல்லது செல்வாக்கைப் பயன்படுத்தி வேலை கொடுக்கும் இழி நிலை இல்லை! அரசியல் கட்சிகளின் காமெடி கிடையாது! கொழும்பில் இருப்பது போல, ஒரு கட்சி, அதற்கு தொண்டர்கள், சில குண்டர்கள், வன்முறைகள், பஸ் கொழுத்துறது, காரை எரிக்கிறது, ஒருத்தனுக்கு ஒருத்தன் அடிச்சுக்கிட்டு சாவுறது எதுவுமே கிடையாது!

ஐரோப்பா போலவே ரொம்ப அமைதியா இருக்கும்! மேலும் விடுதலைப்புலிகளின் காவல் துறை பற்றி சொல்லியே ஆகவேண்டும்! கருநீல ஜீன்ஸும் + மெல்லிய நீலத்தில் ஷர்ட்டும் அணியும் காவல் துறை உறுப்பினர்கள் நிச்சயமாக ஃபிரெஞ்சுப் போலீசையோ, லண்டன் போலீஸையோ நினைவு படுத்துவார்கள்! இவர்களிடம் இருக்கும் ஸ்மார்ட், கம்பீரம் அவர்களிடமும் இருக்கும்! அப்புறம் தமிழீழ போலீசுக்கு லஞ்சம் கொடுப்பீங்க? அந்தப் பேச்சே இருக்காது! ஒரு வேளை நீங்கள் ஒரு தப்புப் பண்ணிவிட்டு, அதனை விசாரிக்க வரும் போலிஸ் அதிகாரிக்கு ஒரு ஐம்பது ரூபாவை நீங்கள் எடுத்து நீட்டினீர்கள் என்றால், அவ்வளவுதான், அடுத்தநாள் எங்கோ ஒரு இருட்டறைக்குள் இருந்து முழிச்சு முழிச்சுப் பார்ப்பீர்கள்! இன்று மேற்கு நாடுகள் செல்வந்த நாடுகளாக இருப்பதற்கு முக்கிய காரணமே சுய உற்பத்தியும், டெக்ஸ் ( Tax ) அறவிடப்படுகின்றமையுமே ஆகும்!

வன்னியிலும் டெக்ஸ் முறைமை இருந்தது! கள்ளக்கணக்கு காட்டுறது, பணத்தை பதுக்கி வைத்து கறுப்பு பணமாக்குறது இதெல்லாம் கனவிலும் நடக்காது! சட்டம் ஒழுங்கு அப்படி இருந்தது! இங்கு ஃபிரெஞ்சுக்காரர்கள் தூய ஃபிரெஞ்சில் தான் பேசுவார்கள்! அதற்குள் ஆங்கிலத்தைச் செருகி, புதுவிதமான ஒரு பாஷை பேசுவதில்லை! இங்கு தூய ஃபிரெஞ்சு என்றால், அங்கு தூய தமிழ்! எல்லாவிதமான பொறியியல் சாதனங்கள், இலத்திரனியல் சாதனங்கள் அனைத்துக்கும் தமிழைக் கண்டுபிடித்து நல்ல தமிழில் தான் கதைப்பார்கள்! வன்னி மக்கள் பேசும் பேச்சை வைத்தே, அவர் வன்னிதான் என்பதைக் கண்டுபிடித்துவிட முடியும்! வன்னிமக்கள் தமது தேவைகளின் நிமிர்த்தம் அரச கட்டுப்பாடுப் பகுதிக்குள் வரும்போது, அவர்களது மொழியை, இங்கிருப்பவர்கள் பரிகசித்த சம்பவங்களும் நிறையவே உண்டு!

கலைகள் - வன்னியிலே கலைத்துறை உச்சம் பெற்றிருந்தது என்பதை ஆணித்தரமாகக் கூறுவேன்! எத்தனை நூல்கள்? எத்தனை பாடல்கள்? எத்தனை கவிஞர்கள்? பாடலாசிரியர்கள்? இசையமைப்பாளர்கள்! அனைவருமே மக்களால் மிகவும் ரசிக்கப்படுபவர்கள்! ஒரு கிளிநொச்சி பாடலாசிரியர் பாடல் எழுதுவார்! அதற்கு கிளிநொச்சி இசையமைப்பாளர் மெட்டுப் போடுவார்! பாடலை பாலசுப்ரமணியம் பாடியிருப்பார்! கார்த்திக் பாடியிருப்பார்! கேட்கவே பரவசமாக இருக்கும்! வன்னியிலே பிரபாகரன் வளர்த்தெடுத்த கலைகள் பற்றி, தனிப்பதிவுகள் ஆறேழு எழுதினால் தான் தகும்! வன்னியின் எல்லைப் பகுதிகளில் கடும் சண்டைகள் நடைபெற்ற 2007 ம் ஆண்டு காலப்பகுதி! கிளிநொச்சியிலே சில தமிழக சிற்பாச்சாரிகள் தங்கியிருந்து, ஒரு மிகவும் வேலைப்பாடுகள் நிறைந்த ஒரு நூதன சாலையை நிர்மாணிக்கிறார்கள்!

“ தமிழீழ தேசிய நூதன சாலை” அது! அதன் வேலைப்படுகளைப் பார்த்தால் மண்டை விறைக்கும்! இங்கு பாரிஸின் லூவ்ர் மியூசியத்தைப் பார்த்தது போலவே இருக்கும்! அவ்வளவு அழகிய வேலைப்பாடுகள்! அதற்கு அருகிலே “ சந்திரன் பூங்கா” என்று ஒரு உயிரியல் பூங்கா! தொங்கு பாலம்! எத்தனையோ விதமான பறவைகள், விலங்குகள்! எல்லாமே தமிழில் பொறிக்கப்பட்ட பெயர் பலகைகள்! விளக்க அட்டைகள்! பார்க்கப் பார்க்க பரவசமாக இருக்கும்! இதைவிட விடுதலைப்புலிகள் கட்டியெழுப்பிய மருத்துவத்துறை பற்றியும் அவர்கள் நிகழ்த்திய சாதனைகள் பற்றியும் சொல்ல பல பத்து பதிவுகள் போட வேண்டும்! வன்னியிலே “ கணிநுட்பம்” என்று ஒரு கம்பியூட்டர் சஞ்சிகை வந்தது! தலைவரின் மகன் சாள்ஸ் ஆண்டனிதான் அதன் நிர்வாகி! என்ன சொல்வது? சத்தியமா கொழும்பில் இருந்துகூட அப்படி ஒரு சஞ்சிகையை நான் பார்த்ததில்லை! அதன் அட்டையத் தொட்டுப் பார்த்தால் கை கூசும்! புகைப்படத்துறையும், அச்சகத்துறையும் அங்கிருந்ததைப் போல வேறெங்கும் நான் காணவில்லை!

வன்னியில் இயங்கிய வங்கிகள் பற்றி சொல்லவா வேண்டும்? உங்களுக்கு வங்கியிலே வேலை பார்க்க வேண்டுமா? அப்படியானால் அதற்க்கு லஞ்சப் பணமாக ஒரு தொகை கொடுக்கணுமே! அடப்போங்கப்பா, திறமை இருந்தால் வேலை! ஒரு சல்லிப் பைசா தேவையில்லை! இங்கு ஐரோப்பாவில் இருக்கும் வங்கிகள் போலவே! வன்னியின் ஒவ்வொரு கட்டுமானத்தையும், அணுவணுவாக ரசித்தேன்! அனைத்துமே ஐரோப்பாவுக்கு நிகரானவை! இன்னும் என்னென்ன கட்டமைப்புக்கள் எல்லாம் வன்னியில் இருந்தன என்பதை பின்னூட்டம் போடும் நண்பர்கள் வந்து சொல்வார்கள் என்று நம்புகிறேன்! ஒன்று தெரியுமா? இத்தினூண்டு குட்டி வன்னியில் 7 விமான ஓடுபாதைகள் இருந்ததாக, அரச படையினர் சொல்கிறார்கள்! ஒரு வேளை நாடு கிடைத்திருந்தால்...., சொல்லவே வேண்டாம் நிச்சயமாக ஒரு குட்டி ஐரோப்பாவே அங்கு உருவாகியிருக்கும்!

இங்கு ஃபிரான்ஸில், இவர்கள் எந்தளவுக்கு தங்கள் நாட்டை நேசிக்கிறார்கள் என்பதைப் பார்க்கும் போது, எமக்கும் மிக இயல்பாகவே நாட்டுப்பற்றும், மொழிப்பற்றும், மண் பற்றும் வந்துவிடுகிறது! ஆனால் எமக்குத்தான் நாடே கிடையாதே! என்ன செய்ய? தமிழீழம் என்ற மண் மீது வைக்கவேண்டிய அத்தனை பற்றுக்களையும் நான் இந்த ஃபிரெஞ்சு தேசத்தின் மீது வைத்திருக்கிறேன்! உலகத்தில் மிகவும் அழகான சாலை இங்குதான் இருக்கிறது! அதில் நடக்கும் போது, கிளிநொச்சி 9 சாலையில் நடப்பதாகவே தோன்றும்! மோனாலிஸா ஓவியம் இருக்கும் லூவ்ர் மியூசியத்துக்குப் போகும் போதெல்லாம், எனக்கு அந்த கிளிநொச்சி மியூசியத்துக்குப் போவதாகவே நினைப்பு வரும்! பாரிஸ் நகரின் மத்தியில் இருக்கும் கொன்கோர்ட் பூங்காவில் நிற்கும் போது, சந்திரன் பூங்காவின் நினைப்பே வந்து போகும்! இங்கிருக்கும் கல்லறைகளும், அவை பராமரிக்கப்படுகின்ற விதமும், அங்கே எமது தெய்வங்கள் உறங்கும், “ துயிலும் இல்லங்களை” நினைவுபடுத்துகிறது! இங்குள்ள தொலைக்காட்சியில், சுத்தமான ஃபிரெஞ்சில் செய்தி வாசிக்கும் ஒரு ஃபிரெஞ்சுக்காரியைப் பார்க்கும் போது, அவளை சைட் அடிக்கத் தோணுவதில்லை! அங்கே சுத்தமான தமிழிலே செய்தி வாசித்த இசைப்பிரியாதான் நினைவுக்கு வருகிறார்! கூடவே விழியோரம் கொஞ்சம் கண்ணீர்! எப்படிப் பார்த்தாலும் இங்கிருக்கும் ஒவ்வொரு தூணும், துரும்பும் எங்களுக்கு, எமது மண்ணையே நினைவுபடுத்துகிறது!

ஆகவே புலம்பெயர் தமிழர்களின் மனசை விட்டு, புலிகளையும், தமிழீழத்தையும், பிரபாகரனையும் அழிக்க முடியாமல் இருப்பதற்கான உளவியல் பின்னணி இதுதான்! ஒவ்வொரு முறையும், ஃபிரெஞ்சு இராணுவ வீரன் களப்பலியான செய்தி வரும்போதெல்லாம் உள்ளம் துடிக்கும்! யாரென்றே தெரியாத அந்த வீரனுக்கு மனதுக்குள் வீரவணக்கம் செலுத்துவேன்! “ மொழியாகி எங்கள் மூச்சாகி நாளை முடி சூடும் தமிழ் மீது உறுதி” பாடலை மனதுக்குள் உச்சரிப்பேன்! இவையெல்லாம் இயல்பாகவே நடந்துவிடுகிறது! 1940 களில் ஹிட்லரின் படைகள் ஃபிரான்ஸை ஆக்கிரமித்த போது, ஃபிரெஞ்சுத் தளபதி சா து கோல், லண்டனுக்குப் போய், நாடுகடந்த ஃபிரெஞ்சு அரசை உருவாக்கினார்! அதைத்தான் இன்று தமிழனும் செய்கிறான்!

ஆகவே ஐரோப்பாவில் இருக்கும் எந்தவொரு தமிழனுக்கும் ஈழப்பற்று வருவது மிக மிக இயல்புதான்! நாமாக மறக்க நினைத்தாலும், இங்கு வந்த பின்னர் பிரபாகரனையும், தமிழீழத்தையும் இங்கு மறக்கவே முடிவதில்லை! “ புலம்பெயர் தமிழர்கள் யுத்த வெறியர்கள்!” என்று யார் திட்டினாலும் நமக்கு வலிப்பதில்லை! இருந்துவிட்டுப் போகிறோம்! இங்கு மறக்கக் கூடிய சூழல் இல்லை! அதனால் கத்துகிறோம்! அங்கு நினைக்கக் கூடிய சூழல் இல்லை! திட்டுகிறீர்கள்! என்ன செய்ய?
சுதந்திரம் கொடுத்து உரிமைகளை மறுத்தால்

அதுவும் அடிமைத்தனமே.

Saturday, December 24, 2011

தமிழை சிதைக்கலாமா?

(பண்புடன் குழும விவாதத்தின் ஒருபகுதி)
//நாட்டுக்கு "சுதந்திரம்' கிடைத்து இன்றைக்கு 65ஆவது ஆண்டு நடக்கிறது. 650 ஆண்டு சுதந்திர வாய்ப்பில் தமிழ் மக்கள் அடைந்த நிலை, "இங்கிலீஷ் வேண்டாம்; தமிழ் வேண்டும்'. இதுதானா? அய்யோ பைத்தியமே! தமிழை (பிறமொழிகளிலிருந்து மொழி பெயர்க்கப்படாத) தமிழ் மூல நூல்களை, தனித் தமிழ் இலக்கிய நூல்களில் எதை எடுத்துக் கொண்டாலும், அவற்றிலிருந்து எழுத்து, சொல், பொருள், யாப்பு, அணி என்பதான இலக்கணப்படி அமைந்த தமிழ் "சுவை' அல்லாமல், அறிவு, பகுத்தறிவு, வாழ்க்கை அறிவு, வளர்ச்சி பெறுவதற்கான ஏதாவது ஒரு சாதனத்தை சிறு கருத்தை, பூதக் கண்ணாடி வைத்து தேடியாவது கண்டுபிடிக்க முடியுமா? கண்டுபிடித்து பயன்படுத்தப்பட்டிருக்கிறதா என்று தமிழ் அபிமானிகளை வணக்கத்தோடு கேட்கிறேன்.

சர்வத்தையும் விஞ்ஞான மயமாக மேல்நாட்டு முறைகளைக் கொண்டு ஆக்கி, சர்வத்திலும் மேல்நாட்டானை (புதிய முறைகளை)ப் பின்பற்றி, வளர்ச்சி அடையவே முயற்சிக்கிறோம். திட்டம் போடுகிறோம். இந்தக் காரியங்களுக்குதமிழர் – முத்தமிழர் சங்கங்களையே நம்பி என்ன காரியத்திற்கு, ஆங்கிலக் கருத்தோ,இங்கிலீஷ் சொல்லோ, ஆங்கிலேயனிடம் பயிற்சியோ இல்லாமல் இங்கிலீஷை பகிஷ்கரித்து விட்டு என்ன சாதித்துக் கொள்ள முடியும்?பலரும் அறிந்த சொல்லைப் புறக்கணிப்பானேன் ?

சாதாரணமாக பிரயாணத்திற்குப் பயன்படும் ரயில், கார், லாரி, பஸ், சைக்கிள் என்ற பெயர்களை எதற்காக மாற்ற வேண்டும்? இந்தியாவில் உள்ள பல நூற்றுக்கணக்கான மொழி பேசும் மக்களும், இந்தப் பெயர்களை அப்படியேதான் பயன்படுத்திக் கொள்கிறார்கள்.–

தமிழ் படித்தால் நடைப்பிணமாய் இருக்கலாம்...தமிழ் மக்கள் என்னும் குழந்தைகளுக்கு தாய்ப்பால் என்னும் தமிழானது, முன்னேற்றம் என்னும் உடல் தேறுவதற்கோ வளர்வதற்கோ பயன்பட்டு இருக்கின்றதா? பயன்படுமா? "தாய்ப்பால் சிறந்தது' என்பதில் தாய்ப்பாலில் சக்தியும், சத்தும் இருந்தால்தான் அது சிறந்ததாகும். இங்கு தமிழ் என்னும் தாயே சத்தற்றவள் என்பதோடு, நோயாளியாகவும் இருக்கும்போது அந்தப் பாலைக் குடிக்கும் பிள்ளை உருப்படியாக முடியுமா? தாய்க்கு நல்ல உணவு இருந்தால்தானே அவளுக்கு பாலும் ஊறும்; அந்தப் பாலுக்கும் சக்தி இருக்கும்!


இப்படிப்பட்ட இந்தத் தாய்ப் பாலைக் குடித்து வளர்ந்த பிள்ளைகள், இந்நாட்டிலேயே நடைப்பிணமாய் இருப்பதைத் தவிர, அதுவும் மற்றவன் கை காலில் நடப்பதைத் தவிர, உழைப்புக்கு – காரியத்துக்குப் பயன்படும்படியான, தன் காலால் தாராளமாய் நடக்கும்படியான பிள்ளை – ஒற்றைப் பிள்ளை தமிழ்நாட்டில் இருக்கின்றதா என்பதை அன்பர்கள் காட்டட்டுமே – என்றுதான் பரிவோடு கேட்கிறேன்.இன்றைய தினம் கூட மேற்கண்ட தமிழ்த் தாயின் பாலை நேரே அருந்தி வளர்ந்த பிள்ளைகள், இங்கிலீஷ் புட்டிப் பாலை அருந்தி இருப்பார்களேயானால், இந்த அன்பர்கள் உட்பட எவ்வளவோ சக்தியும், திறமையும் உடையவர்களாக ஆகி, இவர்கள் வாழ்க்கை நிலையே வேறாக, அதாவது அவர்கள் நல்ல பயன் அடைபவர்களாக ஆகி இருப்பார்கள் என்பதோடு, மற்றவர்களுக்கும் பயன்படும்படியான நல்ல உரம் உள்ள உழைப்பாளிகளாகி இருப்பார்கள்.//

திரு செல்வன் அவர்களே,

தமிழ் பற்று, தமிழ் மொழி மீதான ஆர்வம் என்பதை நீங்கள் தவறாக புரிந்துகொண்டிருக்கிறீர்கள்.

தமிழக மக்களும்தான். அதற்கு அர்த்தம் ஒருவர் தமிழ் மொழி தவிர மற்ற மொழிகளை கற்கக் கூடாது என்று பொருளல்ல. நீங்கள் எத்தனை மொழி வேண்டுமானாலும் கற்றுக் கொள்ளலாம். அதற்காக தாய் மொழியை மறக்கவோ அல்லது அதனை சிதைக்கவோ கூடாது என்பதைத்தான் தமிழ் மொழி ஆர்வலர்கள் கூறுகின்றனர்.

யாமறிந்த மொழிகளிலே தமிழ் மொழி போல இனிதாவதெங்கும் காணோம் என்று பாரதி சொன்னான். அதைத்தான் நாங்களும் சொல்கிறோம். நீங்கள் மற்ற மொழிகளை பயின்றால்த்தான் தமிழ் மொழியின் இனிமை தெரியும்.

வட மொழியும், ஆங்கிலமும் இன்னும் பிற மொழிகளையும் தமிழர் கற்றுக் கொள்ள வேண்டும். ஆனால் தமிழ் மொழியை அழிக்கக் கூடாது.

நடப்பது என்ன? சாதாரண மக்கள் வரை வேண்டுமென்றே தமிழில் ஆங்கிலத்தை கலந்து பேசி அதனை பெருமை என்று கருதுகின்றனர். இவர்கள் யாரும் முழுக்க முழுக்க ஆங்கிலத்திலோ அல்லது இந்தியிலோ பேசினால் யாரும் குறை சொல்லப்போவதில்லை. தமிழ் தெரியாத ஒரு வேற்று மாநிலத்தவர், நாட்டவர் அப்படித்தான் பேசி வருகின்றனர். அவர்களை யாரும் குறை சொல்லவில்லை.

தமிழை தாய் மொழியாகக் கொண்டவர்கள் வேண்டுமென்றே மொழிக்கலப்பை செய்வதைத்தான் தவிர்க்க வேண்டும் என்கிறோம். ஆங்கிலம் படிக்காதீர்கள் என்று சொல்லவில்லை. கருத்துப் பரிமாற்றத்திற்கு ஆங்கிலம் அவசியம். இந்தி மொழியை தமிழ் அரசியல்வாதிகள் வெறுக்கக் காரணம் அதன் திணிப்புதானே தவிர. அந்த மொழியை அல்ல.

இது வட இந்திய அரசியல்வாதிகளின் செயலுக்கான எதிர்வினையே தமிழக அரசியல்வாதிகளின் இந்தி எதிர்ப்பு. மற்றபடி தனித் தமிழ் ஆர்வலர்கள் தமிழ் மொழியைத் தவிர வேறு மொழிகளை படிக்காதீர்கள் என்று சொல்வதாக நீங்கள் நம்பினால் அது தவறு.

ஆங்கிலம் கலந்து பேசினால்த்தான் கௌரவம் என்று நினைத்து சாதாரண மக்கள் ஒரு மயக்கத்தில் உள்ளனர். அவர்கள் முழுக்க முழுக்க ஆங்கிலத்தை தெளிவுற கற்று அம்மொழியை பேசினால் தவறில்லை. ஆனால் ஆங்கிலத்தையும் கற்காமல், தமிழையும் கற்காமல் இரண்டு மொழியும் அழித்து மூன்றவது ஒரு மொழியை உருவாக்கி வருகின்றனர். இதற்குத்தான் தமிழ் ஆர்வலர்கள் எதிர்ப்புத் தெரிவிக்கின்றனர்.

தற்போதுள்ள நிலைமை தொடர்ந்தால் இன்னும் நூறு ஆண்டுகளில் தமிழ் மொழியை சுத்தமாக மறந்து விடுவார்கள். அதன் பின் இந்த பிரச்சனையே இருக்காது. பின்னர் ஆராய்ச்சியாளர்கள், பண்டிதர்கள் தமிழை விழுந்து விழுந்து ஆராய்ச்சி செய்வார்கள். சாதாரண மக்கள் தங்களுக்குத் தெரியாமலேயே அந்த மொழியை மறந்து விடுவார்கள்.

அந்த நிலையை தடுக்கத்தான் மொழி ஆர்வலர்கள் முயற்சி செய்கிறார்கள். மற்றபடி மாற்று மொழிகளை கற்க வேண்டாம் என்று சொல்லவில்லை.
•••••••••••••••••••••••••••••••••••••••
//அடுத்தவனை அது பேச வேண்டாம், இதை செய்யவேண்டாம் என்று திட்டுவதை தவிர தமிழ் ஆர்வலர்கள் செய்த உருப்படியான காரியங்கள் ஏதேனும் உண்டா?

அடுத்தவனுக்கு தமிழ் படி தமிழில் பேசு என்று உபதேசம் செய்து விட்டு தானும் தன்னுடைய குடும்பமும் ஆங்கிலமும் இந்தியும் கற்று முன்னேறுவது தானே இந்த தமிழ் ஆர்வலர்களின் பல்லாண்டு செயல்.

தமிழை வளர்க்க செய்த, செய்கின்ற, செய்யப்போகின்ற செயல்களை கொஞ்சம் சொல்லுங்களேன்.

ராஜசங்கர்//

திரு ராஜா சங்கர் அவர்களே,

தமிழ் ஆர்வலர்கள் யாரையும், எதையும் பேச வேண்டாம் என்று சொல்லவில்லை. தமிழில் எதையும் கலக்காதீர்கள் என்றுதான் சொல்கிறோம். மற்றபடி நீங்கள் உலகத்தின் எந்த பாஷையையும் பேசினாலும் நாங்கள் வருத்தப்படப்போவதில்லை.

நீங்கள் தமிழை பேசாவிட்டாலும் யாரும் வருத்தப்பட மாட்டார்கள். ஆனால் தமிழில் கலப்படம் செய்யாதீர்கள்.

எந்த மொழியை கற்றுக் கொள்ளுங்கள். அதற்கு தடையில்லை. தமிழை மட்டும் அழிக்காதீர்கள் என்பதுதான் எங்களது வேண்டுகோள்.
•••••••••••••••••••••••••••••••••••••••

//வேற்று மொழி தெரியாதவன் தமிழில் மொபைல் போன் என்பதை எப்படி சொல்லுவான்?? கைப்பேசி/குறுபேசி/செல்பேசி என்று அதற்கு ஒன்றுக்கு மேற்பட்ட தமிழ் படுத்தல் கள்.

இதில் கைப்பேசி என்று சொன்னால் குறு பேசி என்று சொல்பவர்களுக்கு கோபம். செல்பேசி என்று சொன்னால் இந்த இரண்டு பேருக்கும் கோபம். இதிலேயே யாரும் ஒன்றும் செய்யவில்லையே? //

திரு ராஜா சங்கர் அவர்களே,

நீங்கள் சொல்வது தமிழ் படுத்துதல்கள். அதுவல்ல தமிழ் ஆர்வலர்களின் வேலை. அது சில ஆர்வக் கோளாறுகளால் செய்யப்படுவது. இதனால் யாருக்கும் கோபம் வரவில்லை.
•••••••••••••••••••••••••••••••••••••••
//அன்றாடம் சோத்துக்கு உழைப்பவன் செல்போன் என்று சொல்லிவிட்டு அடுத்தவேலையை பார்க்கபோவானா? அல்லது செந்தமிழில் பேசி வயிற்றை காயப்போடுவானா? //

வயிற்றுக்குச் சோறு கிடைக்கிறது என்றால் ஹீப்ரூ வேண்டுமானாலும் பேசுங்கள் என்றுதான் சொல்கிறோம். அதற்காக நான் ஹீப்ரூவை தமிழில் கலந்து பேசுவேன் என்பதைத்தான் ஏற்றுக் கொள்ள முடியாது.
•••••••••••••••••••••••••••••••••••••••
//தமிழில் பெயர்வைக்க, கருத்துக்களை சொல்ல தமிழை படித்திருக்கவேண்டும். கண்டுபிடிப்புகளை நிகழத்தியிருக்கவேண்டும். அதற்கெல்லாம் கையாலாகாதவர்கள் ஏன் தமிழில் பேசு என கூவ வேண்டும்? //

தமிழை படிக்கவிடாமல் செய்து வருவதும் தமிழ் மொழிக்கு எதிரான சதி என்கிறோம். கண்டுபிடிப்புகளுக்கும் மொழிகளுக்கும் சம்பந்தம் இல்லை என்பது உங்களுக்குத் தெரியாதா என்ன? கண்டுபிடிப்புகளை வேறு மொழிகளில் சொல்லத்தான் வேறு மொழி தேவை. தமிழர்கள் எதுவும் கண்டுபிடிக்கவில்லை என்று நீங்களாக நினைத்துக் கொண்டால் அதற்கு நாங்கள் எதுவும் செய்ய முடியாது. தமிழர்கள் கையாலாகாதவர்கள் இல்லை. அவர்கள் சாதனை செய்து வருகிறார்கள்.

அவர்களது சாதனை பெரும் சாதனையாக ஆகிவிடுமோ என்றுதான் சிலர் அஞ்சுகின்றனர். மற்றபடி நீங்கள் எந்த மொழியில் பேசினாலும் கவலை இல்லை. தமிழில் வேறு மொழிகளை கலந்து பேசாதீர் என்றுதான் சொல்கிறோமே தவிர, பேச வேண்டாம் என்று சொல்லவில்லை.
•••••••••••••••••••••••••••••

நீங்கள் தமிழை பேசாவிட்டாலும் யாரும் வருத்தப்பட மாட்டார்கள். ஆனால் தமிழில் கலப்படம் செய்யாதீர்கள்.

ராஜசங்கர்,

மிதிவண்டியும், தொலைக் காட்சியும்,மின்னஞ்சலும் தமிழர் கண்டறிந்ததா..? அன்றாட வாழ்விற்க்குள் வரவில்லையா என்ன.அவ்வளவு ஏன் கணிணி, கணிப்பொறி என்று சுஜாதா காலத்தில் எவ்வளவு சர்ச்சைகள் வந்தது. சில படுத்தல்கள் காரணமா கலப்பை ஏற்றுக்க வேண்டியது இல்லையே. நேரிடையா முழுமையா ஆங்கிலத்தில் பேசிக்கலாமே.. ?

நமக்கு பழைய வரலாற்றை அறிய சமஸ்கிரத கலப்பு தேவை படுகிறது. வருங்காலத்தில் வாழ ஆங்கில கலப்பு தேவை படுகிறது எனில், காலந்தோறும் பிற மொழிகள் கலப்பிற்க்கு விட்டு கொடுத்தால் தமிழ் எங்கு மிச்சம் நிற்க்கும்..?

அவ்வளவு ஏன் நீங்கள், நான், செல்வன், தேவன் என நாம் அனைவரும் சமகாலத்தில் பிறமொழி வாழ்வியல் (அலுவலக) சூழலில் வாழ்ந்து கொண்டு இங்கு தமிழில் பேசவில்லையா..?

தமிழ் பயணி
•••••••••••••••••••••••••••••
செல்வன்

ரேம்போ உணர்ச்சிவசப்பட்டு பைத்தியம் என்றெல்லாம் கூறி இருக்கிறீர்கள்..

அந்த பாடலில் ஆங்கிலம் கற்க கூடாது என்றோ பேசக்கூடாது அன்றோ இல்லை மொழி கலப்பில்லாமல் பேசுங்கள் என்று தான் இருக்கிறது. அதற்க்கு எதற்கு இவ்வளவு வியாக்கியாங்கள்..

இன்னைக்கு நத்தார் விடுமுறை நாள்.. பொழுது போகவில்லையா..

அப்புறம் என்ன அது //பகிஷ்கரித்து விட்டு//???

பாக்கியராசன் சே
•••••••••••••••••••••••••••••••••••••••
//நான் எந்த மொழியில் எப்படி பேசவேண்டும் என்பதை சொல்ல யாருக்கும் உரிமை கிடையாது. வேண்டுமானால் நீங்கள் தனித்தமிழில் பேசி வாழந்து காட்டுங்கள். அது எப்படியிருக்கிறது என்று பார்த்து மற்றவர்கள் பின்பற்றுவார்கள்.

சினிமாவில் ஒய் திஸ் கொலைவெறி என்று பாடினால் நாக்கில் ஜொள் வழிய கேட்கவேண்டியது. என்கு டமில் த்ரியாத் என்று சொன்னால் அதையும் கேட்டு கொண்டாடவேண்டியது. அப்புறம் எவனோ தமிழில் பேசவில்லை என ஒப்பார் வைக்கவேண்டியது.

முதலில் நீங்கள் ஒழுங்காக தமிழ் பேசி வாருங்கள். அப்புறம் அடுத்தவர்களுக்கு அறிவுரை சொல்லலாம்.//
//மிதிவண்டி, தொலைக்காட்சி, மின்னஞ்சல் என்றெல்லாம் நடைமுறை வாழ்க்கையில் எத்துணை பேர் சொல்லுகிறார்கள்? புழங்குகிறார்கள்? ஒரு சதவீதம் அல்லது இரண்டு சதவீதம் இருக்குமா?

கணினி என்பது ஏன் புழக்கத்தில் இருக்கிறது என்றால் அந்த சொல் பன்னெடுங்காலமாக பயன்படுத்தப்பட்டு வந்திருக்கிறது. சாப்ட்வேர் என்பதற்கு இது தான் சொல் என எல்லோரும் ஒரு ஒருமித்த கருத்துக்கு வந்துவிட்டார்களா?

//நமக்கு பழைய வரலாற்றை அறிய சமஸ்கிரத கலப்பு தேவை படுகிறது. வருங்காலத்தில் வாழ ஆங்கில கலப்பு தேவை படுகிறது எனில், காலந்தோறும் பிற மொழிகள் கலப்பிற்க்கு விட்டு கொடுத்தால் தமிழ் எங்கு மிச்சம் நிற்க்கும்..? //

ஏனென்றால் நாம் எதையும் செய்வது கிடையாது. அறிவியலுக்கு ஏற்றவாறு எதையும் மொழிபெயர்த்தோ தமிழ்படுத்தியோ வைக்கவில்லை. ஏதேனும் ஒரு புத்தக கண்காட்சிக்கு போய் பாருங்கள் அறிவியல் நூல்கள் எத்துணை இருக்கிறது என?

சமையல்கலை, சினிமா, சோதிடம், கற்பனைகதைகள், சிறுகதைகள், கவிதை என்றெல்லாம் தான் இருக்குமே தவிர வேறு ஏதுவும் இருக்காது. அப்படியிருக்க, தமிழ் எப்படி வாழும்?????

நமக்கு தேவை, சினிமா, கவிதை, கதை அடுத்தவனை திட்டுவது. அப்புறம் தேவலோகத்தில் இருந்து யாரேனும் வந்து தமிழை வாழவைப்பார்களா????

//
அவ்வளவு ஏன் நீங்கள், நான், செல்வன், தேவன் என நாம் அனைவரும் சமகாலத்தில் பிறமொழி வாழ்வியல் (அலுவலக) சூழலில் வாழ்ந்து கொண்டு இங்கு தமிழில் பேசவில்லையா..? //

முழுக்க முழுக்க செந்தமிழில் பேசவில்லை. இப்போது பேசவும் முடியாது.

ராஜசங்கர்//


ஐயா ராஜா சங்கர் அவர்களே,

உங்களை யாரும் எந்த மொழியிலும் பேச சொல்லவில்லை.

தமிழில் கலப்படம் செய்யாதீர்கள் என்பது எங்களது கோரிக்கையே. அதையும் ஆணையாக சொல்லவில்லை.

மக்களிடம் காணப்படும் இழிநிலையே திரைத் துறையிலும் உள்ளது. மக்களிடம் உள்ள நிலை மாறும்போது இந்த நிலை மாறலாம்.

மற்றபடி நாங்கள் முடிந்தவரை தமிழில் பேசி, எழுதி வருகிறோம்.
•••••••••••••••••••••••••••••••••••••••
//முழுக்க முழுக்க செந்தமிழில் பேசவில்லை. இப்போது பேசவும் முடியாது. //

அது உங்களது நம்பிக்கை. மற்றபடி ஏற்கனவே கலந்துவிட்ட சமஸ்கிருத, ஆங்கில சொற்களை நாங்கள் ஒன்றும் சொல்லவில்லை. இனியும் அதிகமான வேற்றுமொழிச் சொற்களை புகுத்தாதீர்கள்.

மொழியை சிதைக்காதீர்கள் என்றுதான் சொல்கிறோம்.

ஏழு கோடிப்பேரில் தமிழறிந்த, கற்ற, புலமை பெற்ற அறிஞர்கள், ஆசிரியர்கள் ஒரு ஒரு லட்சம் பேராவது இருக்கமாட்டார்களா?

அந்த ஒரு லட்சம் பேரும் ஆளுக்கு ஏதேனும் ஒன்று செய்திருந்தாலே இன்னேரம் தமிழில் நல்ல நூல்கள் வந்திருக்கும், நல்ல படிப்பாளிகள் கிடைத்திருப்பார்கள். அந்த ஒரு லட்சம் பேர் ஒரு பத்துவருடத்திலேயே ஒரு கோடிப்பேராவது ஆயிருக்கமாட்டார்களா?

இந்த அளவுக்கு தமிழ் பற்றை வைத்துக்கொண்டு ஏன் கோரிக்கை கீரிக்கை எல்லாம் வைக்கவேண்டும்?

கையாலாகாதவர்கள் சொல்வதற்கு எந்த மதிப்பும் கிடையாது.

வளராத மொழி, மாற்றங்களை தாங்காத மொழி சிதைந்தே போகும். அது காலத்தின் கட்டாயம்.

வீடு கட்டினால் பராமரிக்கவேண்டும். பராமரிக்காதவீடு இடிந்தே போகும்.

ராஜசங்கர்


•••••••••••••••••••••••••••••••••••••••

ஐயா ராஜா சங்கர் அவர்களே,

அந்த தமிழர்களிடம்தானே நாங்கள் கோரிக்கை வைக்கிறோம். தெலுங்கர்களிடமோ, மலையாளிகளிடமோ நாங்கள் தமிழை பேசுங்கள், தமிழை வளருங்கள் என்று கோரிக்கை விடுக்க வில்லையே.

எங்களது ரத்த உறவுகளான அந்த ஏழு கோடிப்பேருக்கும், அவர்களிடையே உள்ள கற்றறிந்தோருக்கும்தான் நாங்கள் இந்த கோரிக்கையை முன் வைக்கிறோம்.

தமிழை கற்றறிந்த மாற்று இனங்களுக்கோ, தமிழை வியாபார மொழியாக பேசும் மார்வாடி போன்ற இனத்தவருக்கோ நாங்கள் கோரிக்கை விடுக்க வில்லை.

அந்த ஏழுகோடிப்பேரில் உள்ளவர்களாகத்தான் தமிழ் ஆர்வலர்கள் இந்த கோரிக்கையை முன் வைக்கிறார்கள். இப்போதே ஏராளமான வாசிப்பும், படைப்புகளும் உருவாகி வருகின்றன. இன்னும் சிறிது காலத்திற்குள் நீங்கள் விரும்பும் வகையில் கோடிக்கணக்கான படைப்புகள் உருவாகும் என்று தெரிவித்துக் கொள்கிறேன்.

//வளராத மொழி, மாற்றங்களை தாங்காத மொழி சிதைந்தே போகும். அது காலத்தின் கட்டாயம். வீடு கட்டினால் பராமரிக்கவேண்டும். பராமரிக்காதவீடு இடிந்தே போகும். //

உங்களது கருத்தை ஏற்கிறேன். ஆனால் அந்த வளர்ச்சி முறையான வளர்ச்சியாக இருக்க வேண்டும். வளர்ச்சி என்ற பெயரில் சிதைவு இருக்கக் கூடாது.

உடலில் ஒரு பாகம் மட்டும் வளர்ந்தால் எப்படி இருக்கும்? அதுதான் கூடாது என்கிறோம்.

வீட்டுப் பராமரிப்பு பணிகளில் ஒன்றுதான் மொழிக் கலப்புச் செய்யாதீர்கள் என்பது.

இந்தியா உடையுமா? தமிழர் பிரச்சனைகளுக்கு தீர்வு இருக்கா? 8

//எனக்கு விவாதம் செய்ய விருப்பம் இல்லை என்ற போதும் இந்த மடலை தருவது அவசியமாகிறது...

எனக்கு தந்த இந்த பதிலில் ஏதோ நான் மட்டும் முன்முடிவோடு பேசி எனது கருத்தில் எனக்கு நம்பிக்கை இல்லாததால் உங்கள் பதிலுக்கு நான் செவிசாய்க்காது ஓடுவது போன்ற கருத்து நிலவுகிறது...

ஆனால், உங்கள் பதிலில், உங்கள் கருத்து ஏற்றுக் கொள்ளப்படும் என்கிற நல்ல முடிவு கிடைக்கும் எனக் குறிப்பிட்டுள்ளதைப் பார்க்கையிலேயே தெரியவில்லையா அல்லது உங்களுக்கு புரியவில்லையா, நீங்கள் உங்கள் கருத்தை முன்முடிவாக வைத்துக் கொண்டு என்னை ஏற்றுக் கொள்ள பிரயத்தனப்படுகிறீர்கள் என்று... ஆக மொத்தம் இருவரும் முன்முடிவுடன் இருக்கிறோம் என்று உணர்ந்தே நான் நிறுத்திக் கொள்கிறேன் எனச் சொன்னேன்... அதனை நீங்களும் உறுதி செய்து விட்டீர்கள்... நன்றி...//

திரு பிரசாத் வேணுகோபால் அவர்களே,

நீங்கள் விவாதத்தில் ஈடுபடுவது உங்கள் விருப்பம். அதில் நான் தலையிட விரும்பவில்லை. அதேவேளையில் எனது கருத்திற்கு எதிரான கருத்தை நீங்கள் கூறினாலும், வேறு யார் கூறினாலும் அதனை ஏற்றுக் கொண்டு அதற்கு பதில் கூறும் பொறுப்பு எனக்கு உள்ளது என்று கருதுகிறேன். மற்றபடி நான் எனது கருத்தை யாரையும் ஏற்றுக் கொள்ளச் சொல்லவில்லை. எனது கருத்தில் உண்மை இருப்பதாக தெரிந்தால், அது சாத்தியம் இருந்தால், அது நடக்கும் என்று நம்பினால் அவர்கள் என் கருத்திற்கு ஆதரவு தெரிவிக்கலாம். மற்றபடி நான் என் கருத்தை யார் மீதும் திணிக்க விரும்பவில்லை. மற்றபடி நான் வாதத்திறமை கொண்டவன் என்று நிரூபிப்பது எனது நோக்கமல்ல.

மேலும் நான் முன் வைக்கும் தமிழ் தேசிய கருத்திலும் சில குறைபாடுகள் இருக்கலாம். அவற்றை சுட்டிக்காட்டினால் அவற்றை நான் மாற்றிக்கொள்வேன். எனது கருத்து இறுதியானதும் அல்ல. அது மாறுதலுக்கு உரியது. நான் ஒரு வழியை, ஆரம்பத்தை மட்டுமே சொல்கிறேன். அது சரி என்று பட்டால் நான் அதில் செல்வேன். என் கருத்தை ஒத்த கருத்துள்ளவர்களும் அதில் பயணிக்கலாம். அதனை (தமிழ் தேசிய அரசியல் சட்டத்தை) உருவாக்குபவர்கள் அந்தந்த துறையில் அறிஞர்களாக இருப்பார்கள். இது தனியொரு மனிதனாக என்னால் மட்டுமே சாத்தியமானது அல்ல.

//விவாதம் தமிழர் பிரச்சினைக்கு தனிதமிழ்த்தேசியம் தான் தீர்வு என்று நீங்கள் சொன்னீர்கள்... நானோ நல்ல தலைமைக் கிடைத்தால் கன்டிப்பாக தமிழர் பிரச்சினை தீரும் அன்றேல் தனிதமிழ்த்தேசியம் பிரிந்தாலும் சரி அதிலிருந்து இன்னும் பல பெயரில்லாத தேசியங்கள் பிரிந்தாலும் சரி, த்லைமைச் சரியில்லை என்றால் பிரச்சினை தீர்வாகாது என்கிறேன்... நீங்களோ அதற்கு, இல்லை நல்ல தலைவர்கள்(கருனாநிதி, ஜெயலலிதா) இருந்தார்கள்... அவர்கள் செயல்படா வன்னம் இந்திய தேசியம் தான் கட்டுக்குள் வைக்கிறது என்கிறீர்கள்... நிச்சயமாக ஒரு தமிழக மக்களின் குறைகளைத் தீர்க்க வேண்டும் என்ற எண்ணமுடைய மாநில முதல்வரால் இந்திய அரசியலுக்குள்ளேயே அதைச் செய்ய முடியும், இந்திய அரசியலமைப்பு அத்தகைய ஸ்திரத்தன்மையுடன் இருக்கிறது என்கிறேன்... ஆனால் அத்தகைய ஸ்திரத்தன்மை வாய்ந்ததில்லை இந்திய அரசியலமைப்பு என நீங்கள் சொல்கிறீர்கள்...//

நான் என் கருத்தில் உறுதியாக இருக்கிறேன். தலைமை கிடைத்தாலும் பிரச்சனை தீரும் என்கிறீர்கள். வரவேற்கிறேன். ஆனால் தற்போதுள்ள நிலையில் இந்திய தேசத்திற்குள் இருக்கும் எந்தவொரு தலைமையுமே, இந்திய அரசுக்கு கட்டுப்பட்டுத்தான் செயல்பட வேண்டும். அப்படி இருக்கும்போது அந்த தலைமை எப்படி சுதந்திரமாக செயல்பட முடியும்?

கருணாநிதியும் ஜெயலலிதாவும் நல்ல தலைவர்கள் என்று நான் சொல்லவில்லை. ஆனால் அதே தலைவர்கள் தனித் தமிழகத்தின் அரசுத் தலைவர்களாக இருந்திருந்தால் ஈழப்போரின்போது கைகட்டி வேடிக்கை பார்த்திருக்க மாட்டார்கள் என்று நான் சொல்கிறேன். அவர்கள் நடத்தும் அரசியலுக்காகவாவது ஏதாவது செய்திருப்பார்கள். அவர்கள் இந்தியத்தில் கலந்து இந்தியர்களின் முடிவுகளை எதிர்பாத்திருந்ததால் அவர்களால் எதுவும் செய்யவில்லை என்று சொல்கிறேன். இந்திய தேசியத்தை மீறி அவர்களால் ராணுவத்திற்கு உத்தரவு கொடுக்க முடியாது என்பதே உண்மை. இந்திய அரசுக்குள் இருக்கும் பிரச்சனைகளை தீர்த்துக்கொள்ளலாம் என்பதை நான் ஏற்கிறேன். அதேவேளையில் வெளியில் உள்ள தமிழர்களுக்கு அவர்கள் என்ன செய்ய முடியும்? இந்தி அரசிலமைப்பு நிலைத்தன்மை கொண்டதல்ல என்பதே என் கருத்து அது பற்றி உங்களுக்குத் தெரிந்த அரசியல் அறிஞர்களிடம் கேட்டுச் சொல்லுங்கள். சரியாக இருந்தால் ஏற்றுக் கொள்கிறேன்.

//உண்மையில் பிரச்சினையின் அடிநாதம் எங்கிருக்கிறது தெரியுமா... தமிழக மக்களிடம்... தங்கள் நலனில் அக்கறை உடைய ஒருவனைத் தேர்ந்தெடுக்க வாய்ப்பு கிடைக்கும் தேர்தல் சமயத்தில் அதனை லாவகமாக ஐந்நூறுக்கும் ஆயிரத்திற்கும் ஓட்டாக விற்றால், தலைமையில் இருப்பவன் போட்ட முதலீடை திரும்ப பெற ஐநூறு கோடிக்கும், ஆயிரம் கோடிக்கும் தமிழக மக்களை அடகு வைக்காமல் வேறு என்ன செய்வான்... இன்றாவது இந்தியாவிடம் அடகு வைக்கிறான்... தனித்தமிழ்தேசியத்தின் தலைமை இப்பொழுது இருக்கும் தலைமைகளைப் போல் அமைந்து விட்டாலோ, தமிழனை அடகு அல்ல அடிமையாக விற்றாலும் சொல்வதற்கில்லை... தமிழர் நலனைச் சிந்திக்கும் ஒருவன் தலைமையில் தனிதமிழ்தேசியமோ, அல்லது இந்திய தேசியமோ தமிழர் நலனை மீட்க முடியாது... தலைமை முழுவதும் சரியாக இருந்தால் மட்டுமே அது முடியும்... தலைமை சரியாக அமைந்துவிட்டால், தமிழர் நலன் காக்க தனிதமிழ்தேசியம் தேவை இல்லை... இந்தியாவில் இருந்து கொண்டே தமிழர் நலனைக் காக்க முடியும்... அன்றேல் தனித்தமிழ்தேசியத்திலும் தமிழர் நலன் கேள்விக்குறியாகவே இருக்கும்... தலைமை முழுவதும் தமிழர் நலன் காக்கும் அளவிற்கு நல்லவர்களாக மாறுவார்களா...//

நீங்கள் சொல்வதை நான் ஏற்கிறேன். உண்மை பிரச்சனை மக்களிடம்தான் உள்ளது. மக்களாட்சியில் ஒரு அரசு திறம்பட செயல்படுவதை கண்காணிக்கும் பொறுப்பு மக்களுக்கு உள்ளது. அந்த மக்களில்தான் நானும் இருக்கிறேன், நீங்களும் இருக்கிறீர்கள். வெறுமனே மக்களை மட்டும் குறை சொல்லிவிட முடியாது. கற்றோர், அறிஞர்கள், இலக்கியவாதிகளுக்கும் பங்கு உள்ளது. பண்டை தமிழகத்தில் ஒரு பிச்சைக்கார கவி கூட அரசை எதிர்த்து துணிந்து தன் கருத்தை முன்வைத்தான். ஆனால் இன்று கற்றிந்தோர். தன் பிழைப்பு, தன் குடும்பம் என்பதை மட்டுமே பார்க்கின்றனர். அண்டை வீட்டாரை பற்றிக் கூட நினைப்பதில்லை. அப்புறம் எங்கே அரசியல் பற்றி யோசிக்கப் போகிறார்கள். அதன் விளைவுதான் இன்றைய தமிழக நிலை.

நல்ல தலைமை அமையாதபோது தமிழ் தேசியமும் மோசமானதாகவே அமையும் என்ற வாதத்தை நான் ஒப்புக்கொள்கிறேன். ஆனால் அது தொடராது. இதற்கு உதாரணமாக பாகிஸ்தானை கூறலாம். விடுதலைக்குப் பிறகு அந்நாடு பாதி நாட்களை ராணுவ ஆட்சியின் கழித்துள்ளது. ஆனால் இன்னமும் மக்களாட்சியில் நம்பிக்கை வைத்துள்ளது. ஒருநாள் அது மேம்பட்ட மக்களாட்சியை அடையலாம். அதேபோல இதுநாள் வரை ராணுவ ஆட்சியின் கீழிருந்த பர்மா இப்போது மக்களாட்சியை நோக்கி நகர்கிறது. அதுபோல தமிழ் தேசியமும் நல்ல மக்களாட்சியை அமைக்கும் நிலையை அடையும். அதேவேளையில் தற்போது உருவாக்கப்படும் தமிழ் தேசிய அரசியலமைப்பு தீய தலைமைகள் ஆட்சிக்கு வராத வண்ணம் அமைக்கப்பட வேண்டும். அதை மீறி வந்துவிட்டால் அவர்களை உடனே பதவியிறக்கும் பதவியை பறிக்கும் முறையை அமல்படுத்த வேண்டும் என்று சொல்கிறேன். ஆனால் இதெல்லாம் லோக்பாலுக்கே பாடாய் படும் இந்தியத்தில் சாத்தியமில்லை.


//ஒரே ஒரு கேள்வி, தமிழர் நலன் காக்கும் கட்சிகள் எனத் தங்களைச் சொல்லிக் கொண்டு தமிழகத்தை ஆள வருகின்ற அனைவரும், என்றேனும் தமிழக நலனுக்காக ஒட்டு மொத்தமாக மத்திய அரசை நோக்கி குரல் கொடுத்துள்ளார்களா இத்தனை கால தமிழக அரசியலில்... அனைவரும் தங்கள் வளர்ச்சிக்காக தமிழக மக்களின் உணர்ச்சிகளை அவ்வப்பொழுது தூண்டி விட்டு அதில் குளிர் காய்பவர்களே அன்றி எவனும் உண்மையாக தமிழர் நலனைக் காக்க இங்கு அரசியல் செய்வதில்லை என்பதே உண்மை... அதனாலேயே எனக்கு தனிதமிழ்தேசியத்தில் நம்பிக்கையும் இல்லை... முதலில் தமிழக மக்களின் நலனுக்காகவே நாங்கள் வாழ்கிறோம், தமிழர் உரிமைக்காகவே நாங்கள் வாழ்கிறோம் எனச் சொல்பவர்கள் அனைவரும் ஒன்றாகத் திரளுங்கள்... அனைவரும் தமிழர் நலன் தமிழர் உரிமைக்காக போராடுபவர்கள் என்றால் எதற்கு இத்தனைக் கட்சிகள்... எதற்கு இத்தனை பிரிவினைகள்... கட்சிகளை ஒன்றாக்க முடியுமா என்று பார்ப்போம்... பிறகு மக்களை ஒன்று திரட்டுவோம்...//

உங்கள் கேள்வி நியாயமானதுதான். இதுவரை அந்த கட்சிகளால் ஒன்றிணைய முடியவில்லை. அதனால்தான் அவற்றால் மக்களின் ஆதரவையும் பெற இயலவில்லை. உண்மைதான் இதுவரை தமிழக அரசியலில் மக்களின் உணர்வுகளை தூண்டிக் குளிர்காய்பவர்கள்தான் வந்திருக்கின்றனர். அதனால்தான் சிறந்த அரசியலை நேக்கி தமிழர்கள் பயணிக்க வேண்டும் என்று சொல்கிறேன். மக்கள், கற்றறிந்தோ, அறிஞர்கள் அரசியலில் ஆர்வம் கொள்ளாத வரை சிறந்த அரசியல் அமையாது. அந்த ஆர்வத்தை மக்கள் ஆதரவைப் பெற்றுச் சொல்லவேண்டும். அப்போதுதான் அவர்களின் கருத்துக்கு மதிப்பு இருக்கும். வெறுமனே பத்திரிகைகளிலும் இணையத்தில் எழுவதாலும் எதையும் சாதிக்க முடியாது. அதுபோன்ற அறிஞர்கள் இணைந்தால் இந்த கட்சிகளை இணைப்பது கடினமல்ல.

தமிழ்தேசிய அரசியலமைப்பு பற்றிய முன்னோட்டத்தை என் பிளாக்ஸ்பாட்டில் பேட்டிருக்கிறேன். நேரமிருந்தால் அதனை வாசித்து விட்டு உங்கள் கருத்தைச் சொல்லுங்கள்.
மக்கள் என்னிடம் சுதந்திரமாக வந்து
என்னிடமிருந்து சுதந்திரமாக செல்ல வேண்டும் - ஓஷோ

http://www.youtube.com/watch?v=otGQqO2TYMI

Wednesday, December 21, 2011

கைவிலங்கு அடிமைத்தனத்தின் அடையாளம் அல்ல.

அச்ச உணர்வே அடிமைத்தனத்தின் அடையாளம்.

எதிரியே உன் சதிகளுக்கு நன்றி

கச்சத்தீவை கொடுத்துவிட்டீர்கள்
உன் வீட்டை விட்டுவிட்டோமே?

காவிரித் தண்ணீரை கொடுங்கள்
கொடுப்பது போதாதா?

என் ஈழ உறவுகளை அழித்தாய்
இங்கே பாதுகாப்பாக இருக்கிறாயே?

மீனவனை கொல்கிறார்கள்
மீன் பிடிப்பதை விட்டுவிடுங்கள்

கூடங்குளம் வேண்டாம்
மின்சாரம் வேண்டாமா?

என் மொழியை அழிக்காதீர்
உனக்கு மொழியறிவு இருக்கா?

என் இனம் தமிழினம்
இனத்தின் இலக்கணம் தெரியுமா?

முல்லைப் பெரியாறை பாதுகாப்பீர்
அண்டிப் பிழைத்துக்கொள்

என் இனத்தை அழிக்கிறீர்கள்
உன்னால் பாதுகாத்துக்கொள்ள முடியுமா?

எதிரியே உன் சதிகளுக்கு நன்றி
என் இனம் விழித்துவிட்டது

Sunday, December 18, 2011

தமிழ்தேசிய அரசியலமைப்புச் சட்டம் முன்னோட்டம்




முன்னுரை

உலகின் மிகப் பழமையான இனமான தமிழினம் இன்று தனக்கென ஒரு நாடு இல்லாமல் வாழ்ந்து கொண்டிருக்கிறது. நாடு இல்லை என்ற குறை அவர்களை தாழ்த்தி விடவில்லை. உலகம் முழுவதும் சிதறிக் கிடக்கும் தமிழர் தாங்கள் ஈடுபடாத துறை இல்லை என்றே கூறலாம். கலை, வர்த்தகம், பொருளாதாரம், பொறியியல், ஆராய்ச்சி என அனைத்து துறைகளிலும் வெற்றி கண்ட தமிழன் அரசியலிலும் கோலோச்சுகிறான். ஆனால் தமிழனின் தாய் மண்ணான தமிழ்நாட்டில் அவன் மாற்று இனங்களின் கீழாக வாழ்ந்து வருகிறான். இந்தியாவின் கீழ் வாழ்ந்துவரும் அவன் இந்திய அரசியலையே தனது அரசியலாக கருதி அதனையே ஏற்று வாழ்ந்து வருகிறான்.

சாதாரண தமிழர்கள் சுதந்திர போராட்டம் என்றால் அது விடுதலைப்புலிகளின் போராட்டம்தான், அரசியல் என்றால் அது தமிழக அரசியல் தலைவர்கள் நடத்தும் அரசியல்தான் என்று தனது சிந்தனையை ஒரு இரும்புப் பெட்டிக்குள் பூட்டி வைத்து தமிழ்தேசியம் என்ற கருத்தை சந்தேகத்துடனும், அச்சத்துடனும் பார்க்கிறார்கள். ஆனால் மற்ற துறைகளில் ஒளிரும் தமிழரால் ஏன் ஒரு சிறந்த அரசியலமைப்பை, அரசாங்கத்தை உருவாக்க முடியாது? என்ற கேள்வியுடன், இனிவரும் நூற்றாண்டுகளை கருத்தில் கொண்டு தமிழர் நலனுக்காக எனது தமிழ் தேசிய கருத்தை முன் வைக்கிறேன்.

தமிழ் தேசியம் என்றால் என்ன?

பண்டைய இந்திய துணைக் கண்டத்தில் 56 தேசங்களும் நூற்றுக்கணக்கான குறுநில மன்னர்களும் இருந்தனர். இவர்கள் பண்பாட்டால் ஒரே மாதிரியாக இருந்தாலும் தங்களுக்குள் வேற்றுமைகளை கொண்டு தனிப்பட்ட இனங்களாக, தனிப்பட்ட இறையாண்மை பெற்றவர்களாக இருந்தனர். அவ்வப்போது அக்கம்பக்க அரசுகளின் எல்லைகள் விரிந்து சுருங்கினவே தவிர முஸ்லீம் மன்னர்களின் வருகை வரை முழுக்க முழுக்க வேற்று இனங்களால் ஆளப்படவில்லை.

இந்தநிலை தமிழகத்திலும் நிலவியது. தமிழர்கள் சேர, சோழ, பாண்டியர் என்ற மூன்று தனித்தனியான இறையாண்மை பெற்ற அரசுகளை கொண்டிருந்தனர். இவர்கள் ஒருவருக்கொருவர் சண்டை போட்டுக்கொண்டாலும் கூட சுதந்திரமான அரசர்களாகவே செயல்பட்டு வந்தனர். இவர்கள் மேற்கே யவனம், ரோம் முதல் கிழக்கே சீனம் வரை சென்று வணிகம் செய்து வந்தனர்.

ஆனால் நாயக்கர்கள், முஸ்லீம்கள், ஆங்கிலேயரின் வருகைக்குப் பின்னர் இவர்களின் அரசுகள் அடிமைப்பட்டன. ஆங்கிலேயர்கள் இந்தியா முழுவதையும் அடிமைப்படுத்திய பின்னர் இந்த துணைக்கண்டம் ஒரே தேசமானது. ஆங்கிலேயரின் ஆட்சிகாலத்தில் இந்தியா முழுவதும் உள்ள தேசிய இனங்களின் அடையாளங்கள், வாழ்வாதாரங்கள், திறமைகள் அழிக்கப்பட்டன. இதனால் இந்தியாவில் இருந்த ஒரு செழிப்பான சமுதாய அமைப்பு சீரழிக்கப்பட்டது. ஏற்றத்தாழ்வுகள் ஏற்பட்டன.

இந்த நிலையில் வெள்ளையர்கள் வெளியேற, இந்தியா சுதந்திரம் பெற்று வெள்ளையரின் ஆட்சி முறையை அப்படியே பின்பற்றத் தொடங்கியது. இந்தியாவை ஒரே தேசமாக்க முயன்ற நேருவும், இந்தி ஆதிக்கவாதிகளும் இந்தியை பிற மற்ற மொழிகளை தாய்மொழியாக கொண்டவர்களிடம் திணிக்க முயன்றனர். இந்தியா தொடர்ந்து இந்தி பேசாத மாநிலங்கள் மீது அலட்சியத்தையே காட்டி வருகிறது. இதனால் சுதந்திரமாக இருந்த தேசிய இனங்கள் இந்திய அரசின் கீழ் அடிமை நிலையில் இருந்து வருகின்றன. அவற்றின் உணர்வுக்கு மதிப்பில்லை. இந்தியா தனது இந்தியத்தை பாதுகாக்கிறதே தவிர தன்னுடன் இணைந்துள்ள தேசிய இனங்களைப் பற்றிக் கண்டுகொள்ளவில்லை.

அதேபோல இந்தியா சுதந்திரம் பெற்ற பின்னர் தொடர்ந்து தமிழினத்திற்கு எதிராகவே செயல்பட்டு வருகிறது. அதற்கு உதாரணமாக மொழிவாரி மாகாணங்கள் பிரிக்கப்பட்டபோது ஏராளமான தமிழ்ப் பகுதிகளை ஆந்திரா, கர்நாடகா, கேரளாவுடன் இணைக்க உறுதுணையாக இருந்தது. இந்தியா இலங்கையிலிருந்து மலையகத் தமிழர்களை வெளியேற்ற ஒப்புக்கொண்டது, கச்சத் தீவை இலங்கைக்கு தாரை வார்த்தது, ஈழப்போரில் இலங்கைக்கு அனைத்து உதவிகளையும் செய்து கொடுத்து தமிழர்களை கொன்று குவிக்க உதவியது, இலங்கை கடற்படையால் மீனவர் சுட்டுக் கொல்லப்படுவதை தடுக்காமல் இருந்து வருவது, காவிரித் தண்ணீரை பெற்றுத் தர இயலாமை போன்ற பல அடுக்கடுக்கான தமிழர் உரிமை இழப்புக்களை செய்துகொண்டும், வேடிக்கை பார்த்துக் கொண்டும் வருகிறது.

எனவே இனிமேலும் இந்தியாவுடன் இருந்துகொண்டு அதன் பாதுகாப்பை எதிர்பார்த்தால் தமிழினம் தனக்குத் தானே அழிவைத் தேடிக்கொள்கிறது என்றுதான் பொருளாகும். எனவே தனது உரிமைகளை தக்க வைக்க, பாதுகாப்பை நிலை நிறுத்த இந்தியாவிடம் இழந்த இறையாண்மையை திரும்ப பெறவேண்டும். அதாவது தமிழினம் எந்தவொரு இனத்திற்கும் கீழாக இருக்கக் கூடாது. அதன் மூலம் சுதந்திரமான இறையாண்மை பெற்ற தனித்தமிழ்நாடு அமைக்கப்பட வேண்டும். இதுவே தமிழ்தேசியம் ஆகும்.

தமிழ்தேசியம் என்ற கருத்து இந்தியாவுக்கு எதிரான கருத்து கிடையாது. அது இந்திய அரசியலமைப்புக்கு எதிரான கருத்தே. தமிழ்தேசியம் பெற்றால் அது இந்தியாவுக்கு எதிரான நாடாக இருக்கும் என்றும் பொருளல்ல. தனித்தமிழ்நாடு பாகிஸ்தான், பங்காளதேசம் போலல்லாமல் இந்தியாவின் உறவை விரும்பும் நாடாக இருக்கும்.

தமிழ்தேசியத்தின் அவசியம் என்ன?

இன்று உலகம் சுருங்கி ஒரு கிராமமாகிவிட்டது. ஒருவரின் தேவை மற்றவருக்கு அவசியமாகிறது. அமெரிக்காவின் தேவைகள் இந்தியர்களால் பூர்த்தி செய்யப்படுகிறது. உலகம் முழுவதும் அமெரிக்கர்கள் முதலீடு செய்கின்றனர். ஒரு நாடு மற்றொரு நாட்டைச் சார்ந்துள்ளது. ஒன்றாய் இருந்த நாடு தனித்தனியாக பிரிகிறது. தனித்தனியாக இருந்த நாடுகள் ஒன்று சேருகின்றன. இதில் ஒரு நாடு தனது பக்கத்து நாட்டுடன் நட்புறவு பாராட்ட வேண்டும், பக்கத்து நாட்டை தவிர்க்க முடியாது என்ற நிலை ஏற்பட்டு வருகிறது.

ஆனால் இந்தியாவுக்குள், ஒரே நாட்டிற்குள் உள்ள மாநிலங்கள், அண்டை மாநிலங்களின் நலன்களை பொருட்படுத்தாமல் சுயநலத்துடன் செயல்படுகின்றன. இதனால் மாநிலங்களுக்கு இடையே மோதல் போக்கு உருவாகி வருகிறது. இதற்கும் தமிழகமும் அண்டை மாநிலங்களும் உதாரணமாக உள்ளன. இந்தியாவின் தென் மாநிலங்களில் வற்றாத நதிகள் இல்லாத காரணத்தால் இங்கு நீர்வளம் தொடர்பான மோதல் போக்கு ஏற்பட்டு வருகிறது. ஆனால் வடமாநிலங்களை மையமாக கொண்டு அமையும் அரசாங்கம் இந்த பிரச்சனையை போக்குவதற்கு பதிலாக அதனை பெரிதாக்கி வருகிறது.

இந்தியா நல்ல நாடு, இந்தியர் நல்லவர் என்பதில் துளியும் சந்தேகம் இல்லை. ஆனால் அரசியல்வாதிகள், அரசியலமைப்பு என்று பார்க்கும்போது இவர்களை திருத்த முடியுமா என்பது சந்தேகமே. ஒரு அக்கறையில்லாத போக்கு எதையுமே பொருட்படுத்தாத நிலை, ஒரு சக இனம் மற்ற இனத்தை, அதன் பிரச்சனைகளை பற்றி அறிந்து கொள்ள விரும்பாமை போன்ற நிலை உள்ளது. எனவேதான் இந்தியத்தை நல்வழிப்படுத்தி அதன் மூலம் தமிழரின் உரிமை நிலை நிறுத்தப்படும் என்ற கருத்து ஏற்றுக் கொள்ள முடியாததாக உள்ளது.

இந்தியாவின் தேசிய இன அழிப்பு, இன அடையாள அழிப்பு, பெரு முதலாளிகளுக்கு ஆதரவு, மேட்டிமை அரசியல், சுயநல, குள்ளநரி அரசியல் போன்ற பண்புகள்தான் இந்தியா முழுவதும் உள்ள அரசியல்வாதிகளிடம் பரவி வருகிறது. இதே நிலைதான் தமிழகத்திலும் உள்ளது. இதுவும் தமிழர்களின் நலனிற்கு எதிராக இருந்து வருகிறது. எனவேதான் தமிழ்தேசியம் அவசியமாகப் படுகிறது. அதற்காக தமிழ்தேசியம் இந்தியாவுக்கோ மற்ற அண்டைநாடுகளுக்கோ எதிரானது என்று பொருளில்லை.

ஏவுகணைகள், விண்வெளி ஆராய்ச்சி, சந்திராயான், செயற்கோள் என கோடிக்கணக்கில் செலவு செய்து முன்னேறத் துடிக்கும் இந்தியா ஏனோ வறுமையில் வாடும் தனது சமுதாயத்தின் ஒரு பகுதியை சௌகரியமாக மறந்துவிடுகிறது. இந்தியா விடுதலை அடைந்தபோது நாட்டின் மக்கள் தொகை 30 கோடி. சுதந்திரம் பெற்று 60 ஆண்டுகள் கழிந்த நிலையில் இந்தியாவில் 26 கோடி மக்கள் கஞ்சிக்கு வழியில்லாத வகையில் வறுமையில் வாடுகின்றனர். (கட்டுரை 2011-ல் எழுதப்பட்டது).
இதற்கு காரணம் அரசின் அலட்சியம் மற்றும் முறையற்ற சமுதாய கொள்கைகளே.

தமிழ்தேசியம் எதிர்கொள்ளும் பிரச்சனைகள் என்னவாக இருக்கும்

அண்டை நாடுகள்

தமிழ்தேசியம் உருவானால் அண்டை நாடுகளான கேளரம், கர்நாடகம், ஆந்திரம், இவை இந்தியாவிலேயே இருக்கும்பட்சத்தில் இந்தியா தமிழ்நாட்டை எதிரிநாடாக கருதலாம். அல்லது இந்த மாநிலங்களும் தனிநாடுகளாகி விட்டால் அவையும் தமிழ்நாட்டை எதிரியாக கருதலாம். ஆனால் இந்தியா தன்னிடமிருந்து பிரிந்து சென்ற பாகிஸ்தான், பங்காளதேஷ் போன்ற நாடுகளுடன் நட்புகொள்ளவே முயற்சித்து வருகிறது என்பது வரலாறு. அதுபோல தமிழகத்துடனும் இந்தியா நட்புநாடாகவே இருக்கும் என்று கருதுகிறேன்.

மனிதன் தனது சூழ்நிலைக்கு ஏற்ப சிந்திப்பவன் என்கிற காரணத்தால், விடுதலை பெற்ற பின் அப்போதைய சூழலை கருத்தில் கொண்டு இந்த நாடுகள் தமிழகத்துடன் நட்பு பாராட்டவும் அல்லது தமிழகத்தின் உரிமைகளை வழங்கவும் முன்வரலாம்.

அவ்வாறு அந்த நாடுகள் தமிழகத்தின் உரிமைகளை தர முன்வராவிட்டாலும் நாம் அது குறித்து அந்த நாடுகளுடன் பேசிப் பார்க்கலாம். அதற்கும் இசையவில்லை என்றால் நாம் நமது உரிமையைப் பற்றி சர்வதேச அமைப்பிடம் முறையிடலாம். அந்த அமைப்புகளாலும் எதுவும் செய்ய முடியவில்லை என்றால் நாம் எதுவும் செய்யத் தேவையில்லை. ஆனால் இந்த நாடுகள் இயற்கை வளத்தை நம்முடன் பகிர்ந்து கொள்ள வில்லை என்பதை தொடர்ந்து கருத்துப் பிரச்சாரங்கள் மூலம் சர்வதேச அளவில் பிரச்சாரம் செய்யலாம்.

சாதி, மதம், சமூக கட்டமைப்பு

நவீன தமிழகத்தில் சாதி, மத பிரச்சனைகள் பெரும் பிரச்சனையாக இருப்பதால் அதனை முறைப்படுத்த தக்க நடவடிக்கைகள் எடுக்கப்படும். ஒவ்வொருவரும் தங்களது சுய கருத்தை தெரிவிக்கக், ஒரு புதிய கருத்தை உருவாக்க கட்டற்ற சுதந்திரம் வழங்கப்படும். சமுதாயத்தில் தனிநபர் சுதந்திரம், குழுச் சுதந்திரம், சமூக சுதந்திரம், சாதி சுதந்திரம், மதச் சுதந்திரம் வழங்குவது அடிப்படை சுதந்திரங்களாக கொள்ளப்படும்.

அதற்கு முன்னதாக சாதி, மதப் பிரச்சனைகளை சிறிது ஆழமாக புரிந்துகொள்ள முயற்சிக்க வேண்டும். இந்த சாதி, மதங்கள், தமிழர் மாற்று இனங்களிடம் அடிமைப்படுவதற்கு முன்பிருந்தே இருந்து வருகின்றன. ஆனால் அப்போது தற்போதுள்ள அளவு வேற்றுமை, குரோதம், வெறுப்பு, காழ்ப்புணர்வு இல்லாமலிருந்தது. ஏனெனில் அப்போது சமுதாயக் கட்டமைப்பு ஒருவரையொருவர் சார்ந்த ஒன்றாக, அனைவரும் தங்களது தொழில்களை நன்றாக செய்து வளமாக வாழ்ந்தனர். ஆனால் மாற்று இனங்களின் ஆட்சிக்குப் பிறகு தமிழரின் சமூக கட்டமைப்பு முற்றிலும் மாற்றியமைக்கப்பட்டது. அதாவது அவர்களது அடிப்படை ஆதாரங்கள் பறிக்கப்பட்டன. இதனால் ஒரு சமுதாயத்தினர் மற்றவர்களை போட்டியாளர்களாக, எதிரிகளாக கருதும் நிலை ஏற்பட்டது. இதனால் குரோதமும், பகையும் வளர்ந்தன.

ஆனால் சாதி அன்று இருப்பதைப் போலவே இன்றும் சமுதாயத்தின் அடிப்படை கட்டமைப்பாகவே இருந்து வருகிறது. அதாவது ஒருவர் திருமம், குழந்தை பிறப்பு, மரணம் மற்றும் இன்னும் பிற நிகழ்வுகளுக்கு தங்களது சாதியை ஆதாரமாக கொண்டுள்ளார். எனவே இந்த வலிமையான கட்டமைப்பை ஒழிக்கவேண்டும் என்ற அவசியம் இல்லை. மாறாக சாதிகளிடையே உள்ள கருத்து வேறுபாடுகளை களைந்து சமநிலையை ஏற்படுத்தினாலே போதுமானது. அதற்கான அத்தனை முயற்சிகளும் தமிழ் தேசியத்தில் எடுக்கப்படும். அதையும் கடந்து தங்களை சாதி, மதத்தை அடிப்படையாகக் கொண்டு அடையாளப்படுத்திக் கொள்ள விரும்பாதவர்களுக்கு சிறப்பு அந்தஸ்து,  முக்கியத்துவம் கொடுக்கப்படும். இது ஒரு சமநிலையான சமூக ஏற்படுவதற்கான வழிமுறையாகவே பார்க்கப்படும். மாறாக எந்தவொரு சாதிக்கும் எதிரான ஒன்றாக கருதப்படாது. இதன் மூலம் இறுதியில் சாதி வேறுபாடு இல்லாத சமூகம் உருவாக வாய்ப்புள்ளது.

மதம் என்பதை பொறுத்தவரையில், தமிழர் இன்று வரை பல்வேறு மதங்கள், சிறு மதப்பிரிவுகளை பின்பற்றி வருகின்றனர். மதங்கள் மனித சமுதாயத்தை மேம்படுத்தியுள்ளன. இது சமூக வளர்ச்சியாகவே கருதப்படும். அனைத்து மதங்களிலும் உள்ள கருத்துக்களை ஆய்வு செய்ய வழி செய்யப்படும். தமிழர்களிடம் தற்போது அவர்கள் பின்பற்றி வரும் மதங்கள் சமூக முன்னேற்றத்தில் அவர்கள் கண்டுள்ள படிநிலையே என்ற விழிப்புணர்வை ஏற்படுத்த நடவடிக்கைகள் எடுக்கப்படும். அவர்கள் தங்கள் விருப்பப்படி தாங்கள் விரும்பும் மதங்களை தொடர்ந்து பின்பற்றலாம் அல்லது புதிய மதங்களை தழுவலாம். இவ்வாறு அளிக்கப்படும் மத சுதந்திரம் சமூக அக்கறை காரணமாகவே ஒழிய சமூக பிரிவினை-மோதலை ஏற்படுத்த அல்ல என்பது மக்களுக்கு உணர்த்தப்படும். அவ்வாறான பக்கவிளைவுகள் ஏற்படும் நிலைகளில் அரசு அதனை கட்டுப்படுத்தும்.

மொழிக் கொள்கை

தனித் தமிழ் நாட்டில் மருத்துவம், விஞ்ஞானம் என அனைத்து கல்வியும் தமிழில் வழங்கப்படும். சம்பந்தப்பட்ட பாடங்களின் கலைச் சொற்கள் ஆங்கிலத்தில் தரப்படும். ஒவ்வொரு துறையும் அந்தந்த துறைபற்றிய கருத்துக்களை ஆங்கிலத்தில் விளக்க, ஆராய, ஒப்பீடுகள் செய்ய அதற்கு ஏற்ற பயிற்சி அளிக்கப்படும். தாய்மொழிப் பற்று வளர்ச்சிக்கு தடையாக அமையாது. அவசியமான பிறமொழிச் சொற்கள் தமிழில் ஏற்றுக் கொள்ளப்படும். தமிழ் ஆராய்ச்சிக் கழகம் அதனை ஒவ்வொரு ஆண்டும் அறிவிக்கும். தமிழில் மாற்று மொழிகளை கலக்காமலும், மாற்று மொழிகளை கலப்பில்லாமல் பேசவும் ஊக்கம் அளிக்கப்படும்.

அதேவேளையில் ஆங்கிலம் கட்டாய மொழிப் பாடமாகவும், அண்டை நாடுகளான கேரளா, கர்நாடகம், ஆந்திர நாடுகளின் மொழிகளான மலையாளம், கன்னடம், தெலுங்கு மற்றும் இந்தி ஆகியவை விருப்ப மொழியாகளாகவும் இருக்கும். உலகம் முழுவதும் உள்ள மொழிகளில் ஆராய்ச்சி மேற்கொள்ளும் தமிழர்களுக்கு ஆதரவு அளிக்கப்படும்.

இந்த மொழிகளில் திறமை பெற, எழுத, படிக்க பேச விசேஷ பயிற்சிகள் கொடுக்கப்படும். அதாவது ஒருவர் மூன்று அல்லது ஆறு மாதங்களில் அந்த மொழியில் ஆளுமை பெற பயிற்சி அளிக்கப்படும். ஆட்சி மொழி தமிழ்மொழியாக இருக்கும். அவசியப்படும் இடங்களில் ஆங்கிலம் துணை ஆட்சி மொழியாக பயன்படுத்தப்படும்.

பிராமணர்களும் மாற்று தேசிய இனங்களும்

தமிழகத்தில் பிராமணர் தமிழர்களுக்கு எதிரிகள் போல ஒரு கருத்து நிலவுகிறது. அதை சிலர் தொடர்ந்து பேசி வருகின்றனர். அதேபோல அவர்கள் சொல்வது உண்மைதான் என்பதைப்போல சில பிராமணர்கள் நடந்துகொள்கின்றனர். ஆனால் இது உண்மையான நிலை இல்லை.

தந்தை பெரியார் என்று அழைக்கப்பட்ட ஈ.வெ.ராமசாமி நாயக்கர் காலத்தில் பிராமணருக்கு எதிரான பிரச்சாரம் செய்யப்பட்டது. அந்தக் காலத்தில் இருந்த சமூக நிலை வேறு இன்றைய சமூக நிலை வேறு. அன்றைய நிலைக்கு காரணம் பிராமணத்துவம் என்பதால் அவர் பிராமணத்துவ எதிர்ப்பை கைக்கொண்டார்.

இன்றைய சூழலில் தமிழரின் நிலைக்கு பிராமணர்தான் காரணம் என்று சொல்ல முடியாது. அவ்வாறு சொன்னால் அதை ஏற்றுக்கொள்ளவும் முடியாது. தமிழரின் பிரச்சனைகளுக்கு பல்வேறு காரணங்கள் உள்ளன. இந்த விஷயத்தில் இந்திய இறையாண்மையின் கீழ் சிக்கிய தமிழரின் இறையாண்மையை மீட்பதுடன் நான் இந்த விஷயத்தை ஒப்பிட்டுப் பார்க்கிறேன்.

மற்றபடி இன்றும் பிராமணர்களில் பெரும்பாலானோர் தமிழர் உணர்வுக்கு எதிராக இருக்கலாம். இது ஒரு சாதி மற்றொரு சாதி மீது கொண்டிருக்கும் வெறுப்புணர்வு போன்றதே. எல்லா சாதிகளிலுமே நல்லவர்களும் கெட்டவர்களும் இருக்கிறார்கள். ஒரு சிலரின் செயலுக்காக ஒரு சாதியையே குறைகூறுவது ஏற்றுக் கொள்ள முடியாது.

பிராமணர் ஒரு தனி இனமாக கருதப்பட்டாலும் அவர்கள் தமிழர்களோடு தமிழராக வாழ்ந்து வருகின்றனர். தமிழுக்கும் தமிழ் இனத்திற்கும் இன்றும் பல சேவைகளை செய்து வருகின்றனர். ஆனால் பிரபலமான சில பிராமணர்கள் தமிழ் இனத்திற்கு எதிராக செயல்பட்டு வருவதால் அது இன்னமும் இன எதிர்ப்புத் தோற்றத்தையே கொடுக்கிறது. பலருக்கும் நல்ல பிராமணர் நண்பர்களாக உள்ளனர்.

அதேபோல இன்றைய சூழலிலும் பிராமணர் தங்களை தமிழர் அல்லாமல் வேறு ஒரு இனமாக அடையாளம் காட்டிக்கொள்ளவோ, அல்லது வேறு மொழியை பயன்படுத்தவோ முடியாத நிலையிலேயே உள்ளனர். அவர்கள் தமிழர் மீது வெறுப்பு கொண்டிருக்கிறார்களோ இல்லையோ தமிழ் மொழியையே பேசி தமிழராகவே வாழ்ந்து வருகின்றனர். எனவே அவர்கள் தமிழர்கள் இல்லை என்று பிரித்துப் பார்ப்பது தவறு. எந்தவொரு இனமுமே ஒரு நூற்றாண்டு காலம் வாழ்ந்து அந்த மண்ணின் மொழியை பேசினால் அந்த இனம் அந்த மண்ணின் குடிகளாகவே கருதப்படும். பிராமணர் அல்லாத மாற்று தேசிய மொழிகளை தாய்மொழியாக கொண்டு பல ஆண்டுகளாக தமிழகத்தில் தமிழ் பேசி வாழ்பவர்களும் தமிழ் குடிகளாகவே கருதப்படுவர். அவர்களுக்கும் அனைத்து உரிமைகளும் வழங்கப்படும்.

நான் ஏற்கனவே சொன்னது போல, தமிழ் தேசியம் என்பது எந்த ஒரு சாதிக்கும், இனத்திற்கும், நாட்டிற்கும் எதிரானது அல்ல. இது தமிழர் தன் இறையாண்மையை பெறுவதையே இலக்காக கொண்டது. எந்தவொரு சாதியையும் ஒதுக்கிவிட்டோ, எந்தவொரு சாதியை மட்டுமே வைத்துக்கொண்டே தமிழ்தேசியத்தை அடைய முடியாது.

இதில் நான் தமிழருக்கு எதிரான பிராமணர்களிடமும் நமது கருத்துக்களை கூறி அவர்களது நம்பிக்கையும் பெற முயற்சிக்க வேண்டும் என்று சொல்கிறேன். தமிழ்தேசியத்திற்கு தமிழருக்கு ஆதரவான பிராமணர்களின் ஆதரவும் வேண்டும். இந்த இலக்கில் பிராமணர்களும் தமிழருக்கு உதவுவார்கள் என்றே கருதுகிறேன். அந்த உதவியை என்னை போன்றவர்களால் பெறமுடியும் என்று உறுதியாக நம்புகிறேன்.


தண்ணீர் பிரச்சனை

அண்டை நாடுகள் தமிழகத்திற்கு எதிரான நிலையை எடுக்கும்பட்சத்தில் தமிழ்நாடு எதிர்நோக்கும் தலையாய பிரச்சனை தண்ணீர் பிரச்சனையாக இருக்கும். சுதந்திரமாக உள்ள தமிழர்கள் இந்த பிரச்சனையை முழுமூச்சுடன் எதிர்கொள்ள வேண்டியிருக்கும். உலகில் எந்தவித வளமும் இல்லாத, ஆனால் தங்களுடைய சுய முயற்சி காரணமாக மட்டுமே முன்னேறிய நாடுகள் உள்ளன. அதற்கு உதாரணமாக ஜப்பான், இஸ்ரேல் ஆகிய நாடுகளை கூறலாம். எனவே தமிழகமும் அதுபோன்ற ஒரு முன்னேற்றத்தை அடைய முடியும் என்பதில் சந்தேகம் இல்லை. தண்ணீர் பிரச்சனையை சமாளிக்க மழைநீர் சேகரிப்பு, கழிவு நீரை சுத்திகரித்தல், கடல்நீரை குடிநீராக்குதல் போன்ற அத்தனை முயற்சிகளையும் மேற்கொள்ளலாம்.

அவ்வாறான ஒரு வளர்ச்சியை பெறும் நிலையில் அண்டை நாடுகள் தாமாக வந்து நட்பு பாராட்டலாம். அப்போது தண்ணீர் பிரச்சனைகள் தீர்வுக்கு வரலாம். இருந்தாலும் கூட தண்ணீர் முயற்சிகள் தொடர்ந்து மேற்கொள்ளப்படும்.

மின்சாரம்

இந்தியா முழுவதுமே மின்சார தட்டுப்பாடு உள்ளது. இதற்கு காரணம் மின்சாரத் துறையை அரசாங்கம் தன் கையில் வைத்திருப்பதே. மின் உற்பத்தியில் தனியாரை ஈடுபடுத்தினால் மிதமிஞ்சிய மின்சாரம் உற்பத்தி செய்யப்படலாம். இது ஒரு பொருளாதார கொள்கைப் பிரச்சனையே தவிர அரசியல் பிரச்சனை அல்ல. இதற்கு எடுத்துக்காட்டாக தனியார் துறை ஈடுபட்டுள்ள தொலைபேசித் துறையின் வளர்ச்சியை கூறலாம்.

தமிழகத்தை பொறுத்தவரை அண்டைநாடுகளுக்கு கொடுக்கும் மின்சாரத்தை நிறுத்தினாலே நாட்டிற்கு போதுமான மின்சாரம் கிடைக்கும். அதற்கு பின்பும் மின்சார பற்றாக்குறை இருந்தால் அதனை போக்க தேவையான அனைத்து முயற்சிகளும் செய்யப்படும். மின்சாரத்துறையில் அனைத்து நவீன தொழில்நுட்பமும் பயன்படுத்தப்பட்டு மின்சாரம் தயாரிக்க வழி செய்யப்படும். இருக்கின்ற இயற்கை ஆதாரங்களான, கடல் அலை, காற்று, சூரிய ஒளி மூலமாகவும், சாலையில் ஓடும் வாகனங்களின் டயர்களின் அழுத்தங்களை பயன்படுத்தியும் மின்சாரம் தயாரிக்க வகை செய்யப்படும். குறைந்த எரிபொருளை பயன்படுத்தி மின்சாரம் தயாரிக்கும் முறைகள் ஊக்குவிக்கப்படும். மின்சாரம் தயாரிப்பது தொடர்பான ஏராளமான புதிய கண்டுபிடிப்புகள் கேட்பாரற்று இருக்கின்றன. அவற்றை வெற்றிகரமானவையாக நிரூபித்து அதன் மூலம் கூடுதல் மின்சாரம் தயாரித்து அண்டை நாடுகளுக்கும் கொடுக்க முயற்சி செய்யப்படும்.

பொருளாதாரம்

மக்கள் வறுமை இல்லாமல் செல்வச் செழிப்பில் வாழவேண்டும் என்ற அடிப்படையில் பொருளாதார கொள்கைகள் வகுக்கப்படும். ஒருவரின் வருமானம் அவரது தேவைகளை விட ஐந்து மடங்கு அதிகமாக இருப்பதை இலக்காகக் கொண்டு அதற்கான வழிமுறைகள் வகுக்கப்படும். ஒவ்வொருவரும் சுதந்திரமாக தொழில் செய்யவும், முதல் ஈட்டவும், அதனை சேமித்து, முதலீடு செய்து செல்வம் சேர்க்க வாய்ப்புகள் செய்து தரப்படும்.

பொருளாதார வளர்ச்சி மக்களின் முன்னேற்றத்தை அடிப்படையாக கொண்டிருக்கும். ஒருவர் பணத்தை சேர்த்துவிட்டு இறந்துவிட்டால் அவருக்கு அந்த பணம் அர்த்தமில்லாத ஒன்றாக போவது போல பொருளாதார முன்னேற்ற மடைந்து சமுதாய அழிவு ஏற்பட்டால் நாட்டு நலன் அர்த்தமற்றதாகும். எனவே பொருளாதாரக் கொள்கை முதலாளித்துவத்தை அடிப்படையாக கொண்ட சுதந்திர வர்த்தகம் கடைப்பிடிக்கப்படும். உள்நாட்டு தொழில்களுக்கு முக்கியத்துவம் அளிக்கப்படும். அதேவேளையில் அது அரசாங்கத்தால் கட்டுப்படுத்தப்பட்ட ஒன்றாக இருக்கும். அரசு பெரும் நிறுவனங்களின் கட்டுப்பாட்டில் வராமல், பெரும் நிறுவனங்கள் அரசின் கட்டுப்பாட்டில் இருப்பதற்கான வழிமுறைகள் செய்யப்படும்.

ஒரு முதலாளி அடிப்படையில் ஒரு சமூகசேவகர் என்ற முறையில் அவரது சமூக பொறுப்புகள் அதிகரிக்கப்படும். ஒரு குறிப்பிட்ட நிலைக்கு மேல் வளர்ச்சி அடைந்த ஒரு நிறுவனம் சமூக பொறுப்புடன் நடப்பதற்கான விதிமுறைகள் நடைமுறைப்படுத்தப்படும். அப்போது அவரது நிறுவனம் சமுதாயத்திற்காக கூடுதல் பொறுப்புகளுடன் செயல்பட வேண்டும்.

பாதுகாப்பு 

பாதுகாப்பு என்பது மக்களின் அடிப்படை உரிமையாக கருதப்பட்டு மக்களுக்குப் பாதுகாப்பு அளிக்க ஏற்பாடு செய்யப்படும். காவல்துறை இதுவரை உள்ள ஆங்கிலேயே முறையிலான அடக்குமுறை அமைப்பாக இல்லாமல், சமூக சீர்திருத்த அமைப்பாக பொதுநல அமைப்பாக கட்டி எழுப்பப்படும். இதன் மூலம் பெண்கள், குழந்தைகள், முதியோர், தனிநபர் பாதுகாப்புக்கு முக்கியத்துவம் அளிக்கப்படும்.

நாட்டின் பாதுகாப்பை பொறுத்தவரை, தற்காலத்தில் உலகில் உள்ள ராணுவ அமைப்புகளின் பாரம்பரிய ராணுவ கட்டமைப்பு உருவாக்கப்படும். ராணுவம் போர்வெறி கொண்டதாக இல்லாமல் போர் வெறி கொண்டவர்களிடமிருந்து பாதுகாப்பு கொடுக்கக் கூடியதாக இருக்கும். இந்த ராணுவம் வெறும் வெட்டி பொழுது போக்கும் ராணுவமாக இல்லாமல் ஆக்கப்பூர்வமான பொது சேவையில், இயற்கை சீரழிவு போன்ற அவரச நடவடிக்கைகளில் ஈடுபட எந்தநேரமும் தயாரான ராணுவமாக இருக்கும். அதற்கும் மேலாக கட்டுக்கோப்பான நல்லொழுக்கம் கொண்ட ராணுவமாக இருக்கும். இந்த ராணுவம் தாக்குதல் ராணுவம் என்ற அடிப்படையில் இல்லாமல் பாதுகாப்பை உறுதி செய்யும் ராணுவமாக இருக்கும்.

அரசியலமைப்பு

ஒரு நாட்டிற்கு அரசியலமைப்புச் சட்டம் மிகவும் இன்றியமையாதது. ஒரு நாட்டின் அரசியலமைப்பை பொறுத்தே அந்த நாட்டின் அரசியல் வெற்றி அமைகிறது. ஒரு குறைபாடுள்ள மென்பொருள் கொண்ட ஒரு கணினி எவ்வாறு சிறப்பாக இயங்க முடியாதோ அதுபோல ஒரு குறைபாடுள்ள அரசியலமைப்புச் சட்டம் கொண்ட ஒரு நாடும் சிறப்பாக இயங்க முடியாது.

சிறந்த அரசியலமைப்பை பெற்ற காரணத்தில்தான் இன்று அமெரிக்கா ஒரு வலிமை பொருந்திய ஜனநாயக நாடாக உலகில் வலம்வருகிறது. ஒரு ஒழுங்கற்ற அரசியலமைப்புக் கொண்ட நாடாக இந்திய அரசியலமைப்புச் சட்டத்தை கூறலாம். இதற்கு காரணம் இது சுயமாக எழுதப்படாமல் பெரிதும் கடன் வாங்கி எழுதப்பட்ட ஒன்றாக உள்ளதாகும். இதில் பல்வேறு முரண்பாடுகள் உள்ளன.

உதாரணமாக ஒரு ஜனநாயக கூட்டாட்சியில் மத்திய அரசுக்கு ராணுவம், பொருளாதாரம், வெளியுறவு போன்ற குறைந்த அதிகாரங்கள் மட்டுமே இருக்க வேண்டும். பெரும்பான்மை அதிகாரங்கள் மாநிலத்திற்கு இருக்க வேண்டும். ஆனால் இந்தியாவில் மாநிலங்களை விட அதிக அதிகாரம் மத்திய அரசுக்கே உள்ளது. அதிகாரத்தை கையில் வைத்திருந்தும் மத்திய அரசால் அதிகார பட்டியலில் உள்ள நதிநீர் பிரச்சனையை திறன்பட தீர்க்க இயலவில்லை. அதேவேளையில் உள்நாட்டின் நதிநீர் பிரச்சனையை தீர்க்க இயலாத இந்தியா அண்டை நாடுகளான பாகிஸ்தான், பங்காளதேஷிற்கு நதிநீரை முறையாக பகிர்ந்து அளித்து வருகிறது, (தீஸ்தா நதிநீரை) பகிர்ந்து அளிக்க விரும்புகிறது. இது நாட்டு மக்கள் நலனுக்கு எதிரான முரண்பட்ட நிலையாகும். ஒரு சிறந்த கூட்டாட்சியில் மாநில அரசுகளை எந்த நிலையிலும் கலைக்கக் கூடாது. கலைக்க முடியாது.

மாநிலங்களிலிருந்து வரிவசூலிக்கும் இந்தியா தனது அடிப்படை கடமையான பாதுகாப்பைக் கூட நாட்டு மக்களுக்கு முறையாக வழங்க இயலவில்லை. இதில் காஷ்மீரில் பாதுகாப்பின்மை, மஹாராஷ்டிராவில் தீவிரவாதிகளின் தொடர்ச்சியான தாக்குதல்கள், பீஹார், ஒரிஸா, வட கிழக்கு மாநிலங்களில் செயல்பட்டு வரும் தீவிரவாதிகளால் பொதுமக்கள் தாக்கப்படுதல், பங்காளதேஷத்தவரின் ஊடுறுவல், தமிழக மீனவர்கள் தாக்கப்படுதல் போன்றவற்றை எடுத்துக்காட்டாக கூறலாம்.

எனவே தமிழ்தேசியத்தின் அரசியலமைப்புச் சட்டம் வலிமையான ஒன்றாக உருவாக்கப்படும். நிர்வாகம், நீதித்துறை, பாராளுமன்றம், பத்திரிகைகள் சுதந்திரமாக இயங்க வழி செய்யப்படும். அரசியல் தலைவர்களின் அதிகாரம், கடமை, நிர்வாகம், நீதி, தேர்தல் ஆணையம் போன்ற அரசாங்க துறைகளின் அதிகாரம் வரம்பு போன்றவை நிர்ணயிக்கப்படும். நாட்டில் எந்த ஒரு சூழலிலும் குழப்பம் ஏற்படாத வகையில் தலைமை, தலைமைக்கு மாற்று, அவசர காலங்களில் கடைப்பிடிக்க வேண்டிய செயல்பாட்டு முறை போன்றவையும், துறைகள் அல்லது அதிகார மையங்களிடையே போட்டி, மோதல் ஏற்படாத வகையில் அதிகாரங்களும் வரம்புகளும் வரையறுக்கப்படும். இந்த அரசியலமைப்பு அரசியல் அறிஞர்களின் கூட்டு முயற்சியால் உருவாக்கப்படும். நெறிமுறைகள், பண்டை தமிழ் இலக்கியங்களிலிருந்து தமிழறிஞர்கள் எடுத்துத் தர, தற்காலத் தேவைகளின் அடிப்படையில் அரசியல் அறிஞர்களின் கருத்தைக் கொண்டு கூட்டு முயற்சியால் உருவாக்கப்படும்.

ஆட்சி முறை

தலைமை அமைச்சர் நேரடியாக மக்களால் தேர்ந்தெடுக்கப்படுவார். (மாவட்டங்களுக்கான) மாநிலங்களுக்கான பிரதிநிதிகள் மக்களால் தேர்ந்தெடுக்கப்படுவர். தேர்தல் முழுவதும் எலக்ட்ரானிக் முறையில் இருக்கும். அதாவது தேர்தல் நாளில் அனைவரும் வாக்குச் சாவடிக்கு சென்றுதான் வாக்களிக்க வேண்டிய அவசியம் இருக்காது. ஒவ்வொருவரும் தங்களிடம் உள்ள எலக்ட்ரானிக் வசதிகளைக் (இன்டர்நெட் பேங்கிங் முறைபோன்ற எலக்ட்ரானிக் வாக்குப்பதிவு, மொபைல் போன்) கொண்டு வீட்டிலிருந்தபடியே வாக்களிக்கலாம். பூத்களிலும் வாக்களிக்கலாம்.

தேர்தல் ஆணையம் நிரந்தரமான ஊழியர்களைக் கொண்டு தொடர்ந்து செயல்படுவதாக இருக்கும். தேர்ந்தெடுக்கப்பட்ட பிரதிநிதிகளை திருப்பி அழைக்கும் முறை அமல் செய்யப்படும். இந்த முறைகளின் மூலமாக முக்கியமான பிரச்சனைகள் பற்றிய பொதுமக்களின் கருத்தையும் அறியலாம்.

பிரதிநிதிகள் அதிக வாக்குகள் பெறுவதை அடிப்படையாகக் கொண்டு வெற்றி பெறும்போது, அந்த வாக்குடன், அந்த வாக்கில் சரிபாதி வாக்கு எண்ணிக்கையில் அவருக்கு எதிர்ப்பு தெரிவிக்கப்பட்டால் அவர் தானாக பதவி விலக வேண்டும். அதாவது ஒருவர் 50,000 வாக்குகள் பெற்று வெற்றிபெறுகிறார் என்று வைத்துக்கொண்டால், அதன்பின் ஒரு சூழலில் அவரது நிலைக்கு 75 ஆயிரத்துக்கும் மேற்பட்டோர் எதிர்ப்பு தெரிவிக்கின்றனர் என்றால் அவர் தானாக பதவி விலக வேண்டும் அல்லது பதவி பறிக்கப்படும். இது தலைமை அமைச்சருக்கும் பொருந்தும்.

ஆட்சி முறை ஏறக்குறைய அமெரிக்க ஆட்சி முறையை ஒத்ததாக, ஆனால் அதிலும் மேம்பட்டதாக இருக்கும். பாரளுமன்றமும், தலைமை அமைச்சரும் நேரடியாக மக்களுக்கு பொறுப்பு வாய்ந்தவர்களாக இருப்பர். இரண்டுக்கும் தொடர்பு இருக்காது. இது ஆட்சியாளர் ஆதரவுக்காக நடத்தும் குதிரை வியாபாரத்தை தவிர்க்கும். பாராளுமன்றமும் பெரும்பான்மை பலத்தின் மூலமாக தலைமை அமைச்சரை பதவி நீக்கம் செய்யலாம். துறை சார்ந்த மேலவை இருக்கும். இந்த அவையின் உறுப்பினர்கள் அந்தந்த துறைகளால் தேர்ந்தெடுக்கப்படுவர். கொள்கை முடிவுகள் கண்டிப்பாக இந்த அவையின் ஒப்புதலை பெறவேண்டும். இந்த அவையில் தேர்தலில் பிரதிநிதித்துவம் பெற முடியாத சிறுபான்மையினர் உறுப்பினராக சேர்க்கப்படுவர். அவர்களும் அவர்களது இனத்தாராலேயே தேர்ந்தெடுக்கப்படுவர்.

தலைமை அமைச்சர் இரண்டு முறைக்கு மேல் பதவியில் இருக்க முடியாது. மாற்று மொழிகளை தாய்மொழியாகக் கொண்டவர்கள் துணை தலைமை அமைச்சர் பதவிக்கு மட்டுமே போட்டியிட முடியுமே தவிர தலைமை அமைச்சர் பதவிக்கு போட்டியிட முடியாது. தலைமை அமைச்சருக்கான தேர்தலில், முதலிடத்தை பெறுபவர் தலைமை அமைச்சராகவும், இரண்டாம் இடத்தில் வருபவர் துணைத் தலைமை அமைச்சருமாக பதவி ஏற்பர். அதாவது வெற்றி பெற்றவர் தலைமை அமைச்சராக இருந்தால் தோல்விபெற்றவர் துணை தலைமை அமைச்சராக இருப்பார். தலைமை அமைச்சரே ஆட்சி அதிகாரம் கொண்டவராக முப்படைகளுக்கும் தலைவராக இருப்பார். அவர் துணை தலைமை அமைச்சரின் ஆலோசனையை பெற்றுக்கொள்ளலாம். தலைமை அமைச்சர், துணைத் தலைமை அமைச்சர் ஆகிய இருவரும் சமநிலையில் வாக்குகளை பெற்றிருந்தால் போட்டி வாக்கு (மற்றவர் பெற்றுள்ள தேர்வு நிலை வாக்கு) மூலம் வெற்றி பெற்றவர் நிர்ணயிக்கப்படுவார்.

தலைமை அமைச்சர் இல்லாத நிலையில் துணை தலைமை அமைச்சர் அரசை வழிநடத்துவார். துணைத் தலைமை அமைச்சரும் இல்லாத நிலையில் தலைமை நிர்வாக அதிகாரி குறுகிய காலத்திற்கு அரசுத் தலைமையாக இருந்து அரசை வழிநடத்துவார். இவர் நீதி மன்றத்திற்கு கட்டுப்பட்டவர் ஆவார். தலைமை அமைச்சர் தனது அமைச்சரவையை உருவாக்கும் அதிகாரம் படைத்தவர். இவர் பாராளுமன்றம், மேலவையிலிருந்து பிரதிநிதிகளை அமைச்சர்களாக நியமிக்கலாம். அமைச்சரவையில் பாராளுமன்ற உறுப்பினர்கள் 10 பேர் இடம் பெறுகிறார்கள் என்றால் மேலவை உறுப்பினர்களில் 5 பேர் மட்டுமே அமைச்சர்களாக நியமிக்கப்பட வேண்டும். அமைச்சரவையின் எண்ணிக்கை 25க்கும் மேற்பட்டதாக இருக்கக் கூடாது. 20 அமைச்சர்களில் அதிக இடங்களைப் பெற்ற கட்சிக்கு அதிக அமைச்சர் பதவி என்ற முறையில் பதவி அளிக்கப்பட வேண்டும். அதாவது எதிர்க்கட்சி உறுப்பினர்களும் அமைச்சர்களாக இருப்பர். விசேஷத் துறைகள் உருவாக்கப்படுவதாக இருந்தால் அவை இந்த அமைச்சர்களுக்கு கீழான குழுக்களாகவே இருக்க வேண்டும்.

நீதித்துறை, புலனாய்வுத் துறை ஆகிய இரண்டும் சுதந்திரம் பெற்ற அமைப்புகளாக இருக்கும். சிக்கல் ஏற்படும் நிலையில் புலனாய்வுத்துறை நீதித்துறைக்கு கட்டுப்பட வேண்டும். நீதித்துறையில் கீழ் நிலை நீதிபதிகள் மட்டுமே அரசால் நியமிக்கப்படுவர். மாநில நீதிபதிகள் தேர்ந்தெடுக்கப்படுவர். அவர்கள் தலைமை நீதிபதிகளை தேர்ந்தெடுப்பர். நீதித்துறை நிர்வாகத்துறையாக மாறக்கூடாது. மாற முடியாது. தலைமை புலனாய்வு அதிகாரிகளும் அத்துறை ஊழியர்களால் தேர்ந்தெடுக்கப்படுவர். இதில் அவர்களது பின்புலம் கருத்தில் கொள்ளப்படும்.

நீதித்துறை வழங்கும் நீதியை, உத்தரவை செயல்படுத்த முடியாத நிர்வாகத் துறை தானாகவே பதவி விலக வேண்டும். அவ்வாறு பதவி விலகும் தலைமை அமைச்சர் மீண்டும் தேர்தலில் வெற்றி பெற்றால், நீதி மன்றம் கொடுத்த உத்தரவை மறு பரிசீலனை செய்ய வேண்டும். இரண்டாம் முறை பதவியில் உள்ள தலைமை அமைச்சர் பதவி விலகினால் அவரால் மீண்டும் தேர்தலில் போட்டியிட முடியாது. நீதித்துறை பாராளுமன்றத்திற்கு சட்டங்களை பரிந்துரை செய்யலாம்.

பொதுமக்களின் அரசியல் ஈடுபாடு

1. அரசியலுக்கு மக்களே பொறுப்பு வாய்ந்தவர்கள்.
2. அவர்கள் அரசியல் விழிப்புணர்வு பெற்றவர்களாக இருக்க வேண்டும்.
3. தேர்தலில் தவறாமல் வாக்களிக்க வேண்டும். வாக்களிக்காத ஒருவர் அதற்கான காரணத்தை தெவிக்க வேண்டும்.
4. நெருக்கடியான சூழல்களில் மட்டுமே வாக்களிப்பதிலிருந்து விலக்கு அளிக்கப்படும்.
5. மனநிலை பாதிக்கப்பட்டவர்களால் வாக்களிக்க முடியாது.
6. ஒருவர் ஒரே நேரத்தில் பல கட்சிகளில் உறுப்பினராக இருக்க முடியாது.
7. ஒருவர் மூன்றுக்கும் மேலான கட்சிகளுக்கு மாறினால் அவர் பொதுவான நிலைக்கு தள்ளப்படுவார். அவர் அரசியல் கட்சிகளில் உறுப்பினராக இருக்க முடியாது.
8. அரசியல் ஈடுபாடு இல்லாதவர்களுக்கு பல பின்னடைவுகள் ஏற்படும்.
9. தொடர்ந்து வாக்களிக்காதவர் குடியுரிமையை இழப்பார். அவர் செத்தவருக்கு சமமானவர்.
10. அரசியலில் விழிப்புணர்வுடன் செயல்படும் மக்களுக்கு பல முன்னுரிமை அளிக்கப்படும். 

அரசியல்வாதிகளுக்கான தகுதிகள்

1. தனிநபர் ஒழுக்கம், முதல் தகுதியாக கருதப்படும். குற்றவாளிகளால் அரசியலில் ஈடுபட முடியாது.
2. தேர்தலில் போட்டியிட விரும்புபவர்கள் அரசியல் பற்றிய அடிப்படை அறிவு கொண்டவர்களாக, சமூக நலன் பேணுபவர்களாக, மக்களுடன் தொடர்பு கொண்டவர்களாக, பிரச்சனைகளை தீர்க்கத் தெரிந்தவர்களாக, உலக ஞானம் கொண்டவர்களாக, நிச்சயம் வரலாறு தெரிந்தவர்களாக இருக்க வேண்டும்.
3. அவர்களது சமூக அக்கறை திறமை, நிர்வாகத்தை மதிப்பிடும் வகையிலான நுழைவு தேர்வு எழுதி வெற்றி கண்டால் மட்டுமே அவர் தேர்தலில் போட்டியிட முடியும்.
4. பாராளுமன்ற உறுப்பினர்கள் சட்டம் இயற்றுபவர்களாக இருப்பதால் அவர்கள் அடிப்படை சட்டங்களை தெரிந்திருக்க வேண்டும்.
5. ஒரு சாதாரண குடிமகனின் வருவாயைவிட அதிகம் சம்பாதிக்கக் கூடியவராக இருக்க வேண்டும். நிச்சயம் வருமான வரி செலுத்துபவரக இருக்க வேண்டும்.
6. அரசு பணிகளில் இருப்போர், பதவி விலகியவர்கள் அரசியலுக்கு வர இயலாது. அப்படி வர விரும்புபவர்கள் அதற்கான விளக்கத்தை அளிக்கவேண்டும். அவர்களுக்கான விசேஷ தேர்வுகளில் அவர்கள் வெற்றி பெறவேண்டும். அவர்களது அரசாங்கப் பணி நடத்தை கணக்கில் கொள்ளப்படும்.
7. அரசியல்வாதிகள் மக்களை ஏமாற்றும் நோக்கில், தவறுகளை மறைக்க, திட்டமிட்டு, ஏதாவது ஒரு காரணத்திற்காக பொய் சொல்வது குற்றமாக கருதப்படும். அவ்வாறு பொய் சொல்பவர்கள் உடனே பதவி நீக்கப்படுவர். எதிர்காலத்தில் அவர்களால் அரசியலில் ஈடுபட முடியாது.

அரசியல் கட்சிகள்

1. குறைந்தபட்ச மக்களின் ஆதரவை பெற்ற கட்சிகளே அரசியல் கட்சிகளாக செயல்பட முடியும். அதாவது ஒருவர் அரசியல் கட்சி துவங்க வேண்டும் என்றால் தனக்குள்ள ஆதரவை பெற்றுக் காட்ட வேண்டும்.
2. அரசியல் கட்சிகள் தங்களது வருமான வரி செலுத்த வேண்டும். தங்களது வருவாய்க்கான திட்டங்களை முன் வைக்க வேண்டும்.
3. அரசியல் கட்சிகள் தங்களுக்கான நிதி ஆதாரங்களை வெளிப்படையாக காட்ட வேண்டும்.
4. அரசியல் கட்சிகள் அதிகாரம் கிடைத்தால்தான் சேவை செய்வோம் என்றில்லாமல் அதிகாரம் இல்லாவிட்டாலும் பொதுச் சேவை செய்ய வேண்டும்.
5. தேர்தலில் போதிய வாக்குகளை பெற முடியாத அரசியல்கட்சிகள் கட்சி அந்தஸ்தை இழக்கும்.
6. அரசியல் கட்சிகள் ஒவ்வொரு ஆண்டும் தங்களது கொள்கை நிலைப்பாடு குறித்து மக்களுக்கு விளக்க வேண்டும்.
7. முரணான கொள்கைகளை கொண்ட கட்சிகள் கட்சி அந்தஸ்தை இழக்கும்.


தகுதிக்கேற்ற தண்டனை முறை 

சமூகத்திற்கு எதிரான குற்றங்கள் தலையாய குற்றங்களாக கருதப்படும். திட்டமிடப்பட்ட குற்றங்கள் கடுமையான குற்றங்களாக கருதப்படும். சாதாரண பொதுமக்களுக்கும் அரசு ஊழியர்கள், அரசியல்வாதிகள் போன்றோருக்கான தண்டனை முறை மாறுபட்டதாக இருக்கும். அரசு ஊழியர்கள், அரசியல்வாதிகள் தங்களது பணியின் அடிப்படையில் அவர்கள் சிறப்பு அந்தஸ்து பெற்றவர்களாகின்றனர். அதிக பொறுப்பு வாய்ந்தவர்களாக இருப்பர். இந்த நிலையில் இருப்பவர்கள் தவறு செய்தால், குற்றம் செய்தால், திட்டமிட்டு குற்றம் செய்தால் அவர்களின் குற்றங்களுக்கு ஏற்ப சாதாரண தண்டனை, இரட்டைத் தண்டனை, கடுமையான தண்டனை அளிக்கப்படும். பொது மன்னிப்பு என்பது அரிதான ஒன்றாக இருக்கும். அதாவது அரசியலுக்கு வருபவர்களின் கதை புலி வாலை பிடித்த கதையாகத்தான் இருக்கும். ஏனெனில் அவர்கள் மக்கள் நலன் கருதி மிகவும் விழிப்புணர்வுடன், எச்சரிக்கையாக செயல்பட வேண்டும் என்பதற்காக இந்த முறை நடைமுறைப்படுத்தப்படும்.

மரணதண்டனை இருக்காது. ஆனால் தண்டனை, கடுமையான குற்றம் செய்தோருக்கு மரணதண்டையே சிறந்தது என்று கருதும் அளவிற்கு இருக்கும். ஆனால் இது உடல் ரீதியாக துண்புறுத்துவதாக இருக்காது. மன ரீதியான தண்டனையாக இருக்கும். சிறைகளில் முதல் வகுப்பு இரண்டாம் வகுப்பு என்ற பிரிவுகள் இருக்காது. பாதுகாப்பு கருதி தனிமைச் சிறை மட்டுமே இருக்கும்.

சுதந்திரம் பெறும் முறை

தனித்தமிழ் நாட்டிற்கான சுதந்திரப் போராட்டம் என்பது மன ரீதியிலான எழுச்சியை உருவாக்கும் போராட்டமாகவே இருக்கும். தேவையில்லாமல் போராட்டம் என்ற பேரில் மக்கள் அலைக்கழிக்கப்பட மாட்டார்கள். அவர்கள் இருந்த இடத்திலிருந்தே எதிர்ப்பை தெரிவித்தால் போதும். போராட்டம் காரணமாக ஒருவரின் வேலையோ தொழிலோ பாதிக்கப்படாது. நாட்டின் இயல்புநிலை பாதிக்கப்படாது. அது ஒருஎழுச்சியாகவே இருக்குமே தவிர போராட்டமாக இருக்காது. 

அப்படியே போராட்டம் நடத்தப்பட்டாலும் அது அமைதியான போராட்டமாகவே இருக்கும். எந்த சூழலிலும் வன்முறை, ஆயுதப் போராட்டம் கையிலெடுக்கப்படாது.

தமிழ்தேசிய கருத்துக் கொண்டவர்கள் தேர்தலில் போட்டியிட்டு வெற்றி பெற்ற பின் அவர்களின் பெரும்பான்மை பலத்தின் அடிப்படையில் ஆட்சியமைந்தால், பின்னர் மத்திய அரசுடன் பேச்சு வார்த்தை நடத்தப்படும். அப்போது மத்திய அரசு மாநிலங்களுக்கு சுயாட்சி அளிக்கும் நிலைக்கு தள்ளப்படும். இந்தியா ஒரு சிறந்த கூட்டாட்சியை ஏற்படுத்த முன்வரலாம். இருந்தாலும் தனித்தமிழ்நாடே இறுதி நோக்கமாக இருக்கும். இந்திய மாநிலங்கள் சுதந்திரம் பெற்றால், அந்த மாநிலங்கள் விரும்பினால் ஈரோ போன்ற அமைப்பு உருவாக்கப்பட்டு இந்த துணைக் கண்டத்தின் பாதுகாப்பு கருதி நேட்டோ போன்ற கூட்டுப்படை உருவாக்கலாம்.

தனிநாட்டின் பயன்

தனித் தமிழ்நாடு உருவாவதால் என்ன பயன்? ஒரு கைதிக்கு சுதந்திரம் கிடைப்பதால் என்ன பயன்? அவன் சிறையிலிருந்து வெளிவருவதே பெரும் பயன்தான்.
1. தமிழ் நாடு உருவாவதன் மூலம் தமிழர் சுதந்திர சிந்தனைகள் மூலம் சுதந்திர முயற்சிகள் மூலம் சிறப்பாக செயல்படுவர்.
2. தமிழ் நாட்டின் முன்னேற்றம், வளர்ச்சி கண்டு அண்டை நாடுகள் தாமாக முன் வந்து நட்புக் கொள்ளலாம்.
3. தமிழர் தங்களது உணர்வுகளுக்கு ஏற்ப தங்கள் வாழ்க்கையை மேற்கொள்வர்.
4. தமிழர் ஒரு சுதந்திரமான, மேம்பட்ட அரசியலை உருவாக்குவர்.
5. தமிழகத்தில் போதுமான திறமை பெற்ற மக்கள்த் தொகை உள்ளதால் அதுவே ஒரு வளமாக கருதி பயன்படுத்தப்படும்.
6. அரசாங்கம் மூலமாகவே வெளிநாடுகளுக்கு வேலைக்கு ஆட்களை அனுப்புதல். இதன் மூலம் உலகம் முழுவதும் காரணமில்லாமல் சிறைகளில் வாடும் தமிழர்களை மீட்க நடவடிக்கை எடுக்கப்படும்.
7. அரசாங்கம் மூலமாகவே வெளிநாடுகளிலிருந்து ஆட்களை வரவழைத்தல்.
8. இந்த அரசாங்கம் முழுக்க முழுக்க மக்களுக்கானதாக இருக்கும்.
9. இந்தியாவுக்கு ஒரு உண்மையான நட்பு நாடும் உலகிற்கு ஒரு சிறந்த நாடு கிடைக்கும்.


தனித் தமிழ்நாடு கோரிக்கையை தமிழர்கள் சுய நிர்ணய உரிமையின் அடிப்படையில் நிறுவ முயற்சி செய்ய வேண்டும்.

குறிப்பு போதுமான விளக்கம் கொடுத்திருக்கிறேன் என்று கருதுகிறேன். இது பற்றி வரும் காலங்களில் அறிஞர்களின் ஒத்துழைப்புடன் உருவாக்கப்படும் தமிழ் நாட்டுக்கான அரசியலமைப்புச் சட்டத்தில் விரிவாக விவரிக்கப்படும்.

••••••••••••••••••••••••••••••••••••••••••••••••••••••••••••••••••••••••••••••••••••••••••••••••