Monday, December 2, 2013

நடுப்பட்டி அமைதிக் குழு - ஆலோசனைகள் வரவேற்கப்படுகின்றன


நண்பர்களே, சொந்தங்களே,

திண்டுக்கல் மாவட்டம், நிலக்கோட்டை அருகேயுள்ள நடுப்பட்டி, காரியாபட்டி சாதி மோதல்களை செய்திகளின் வாயிலாக நீங்கள் அறிந்திருப்பீர்கள்.

இந்த ஊர் எங்கள் ஊரிலிருந்து சுமார் 30 கி.மீ. தூரத்தில் உள்ளது. செய்திகளின் வாயிலாக பார்க்கும்போது இது உளவியல் பிரச்சனை என்பது தெளிவாக தெரிகிறது. எனவே இதை நீண்ட காலத் திட்டத்தின் அடிப்படையில் பக்குவமாக அணுகினால் எளிதில் தீர்த்து விடலாம் என்று நம்புகிறேன்.

இன்று இல்லாவிட்டாலும் 5 ஆண்டுகள் அல்லது 10 ஆண்டுகளில் இந்தப் பிரச்சனையை சுத்தமாக தீர்த்து வைக்கும் நோக்கத்தில் ஒரு அமைதிக் குழுவை ஏற்படுத்தலாம் என்று நினைக்கிறேன்.

ஏற்கனவே பல கட்சிகள், அமைப்புகள், இயக்கங்கள் இந்த பிரச்சனையில் கவனம் செலுத்தி வரலாம் என்று கருதுகிறேன். இருந்தபோதிலும் இந்த அமைப்புகள் எவ்வாறு செயல்படுகின்றன என்பதை அறிந்து அவர்களுக்கு ஆதரவாக அல்லது அவர்களின் ஆதரவோடு செயல்பட, அரசு இயந்திரங்களான மாவட்ட நிர்வாகம், மாவட்ட காவல்துறையின் செயல்பாடுகளை அறிந்து அவர்களின் ஒத்துழைப்போடு செயல்பட வேண்டிய தேவை உள்ளது.

இந்தப் பணியில் நாமும் ஒரு சிறு அங்கமாக செயல்பட முடியும் என்று நம்புகிறேன். நமக்கு அருகே நடக்கும் இந்த பிரச்சனையில் ஈடுபாடு காட்டி இதனை தீர்த்து வைப்பது நமது கடமை என்று நினைக்கிறேன்.

எனவே இந்தப் பிரச்சனையை நுணுக்கமாக அணுகி தொலைநோக்குப் பார்வையுடன் தீர்த்து வைக்க வேண்டிய தேவை உள்ளது. எனவேதான் இந்தக் குழுவை உருவாக்கத் திட்டமிட்டுள்ளேன்.

எனவே இந்த குழுவில் பங்கேற்று செயல்பட விரும்புபவர்கள் இந்தக் குழுவில் பங்கேற்கலாம். இதற்கான அடிப்படைத் தகுதி சமூக நல்லிணக்க ஆர்வம் இருப்பது, தங்களது செலவுகளை தாங்களே செய்து கொள்ளக் கூடியவர்களாக இருப்பது, இந்தப் பிரச்சனைக்காக நேரம் ஒதுக்கக் கூடியவர்களாக இருக்க வேண்டும் என்பதே. குறிப்பாக மதுரை, திண்டுக்கல், தேனி பகுதிகளைச் சேர்ந்தவர்களாக இருந்தால் விசேஷமாக இருக்கும்.

மற்றவர்கள் ஆலோசனை கூறி வழிநடத்தலாம்.

இந்தக் குழு தேவையா, தேவையில்லையா? தேவையானால் என்ன நடவடிக்கைகள் எடுக்கலாம்? எப்படி செயல்படலாம்? இது போன்ற ஆலோசனைகளை நண்பர்களிடமிருந்து எதிர்பார்க்கிறேன்.

நன்றி.

தொடர்புக்கு: 9047440542

No comments: