Sunday, March 9, 2014

கனவில் வந்த தேவர்


இதை நம்புவதை உங்கள் முடிவுக்கு விட்டுவிடுகிறேன்...

இன்று நான் நடை பயிற்சி சென்று திரும்பியதும், இங்கே வாருங்கள், ஒரு விஷயம் சொல்கிறேன் என்று படுக்கையில் அமரச் சொன்னார். அதை உங்களால் நம்ப முடியாது என்று சொன்னார்.

நானும் என்னவென்று கேட்டேன்.

இன்று என் கனவில் யானைக் குட்டி என் மடி மீது தலைவைத்துப் படுத்துக் கொண்டது. எனக்கு ஒரு பக்கம் பயமாக இருந்தாலும் அதன் நட்பு எனக்கு அந்தப் பயத்தை போக்கியது. இப்படி நான் நினைத்துக் கொண்டிருக்கும்போது அது தலையைத் தூக்கி என்னைப் பார்த்துவிட்டு மீண்டும் படுத்துக் கொண்டது.

என் மனைவியின் கனவில் அடிக்கடி யானை வருவது, அதைக் கண்டு அவர் பயந்து ஓடுவது. சில நேரங்களில் யானை ஆசி வழங்குவது என்பது அவருக்கு தொடர்ச்சியாக வரக் கூடியதுதான். அதனால் நான் இதை பெரிது படுத்தவில்லை.

மேலும் அவர் சொன்ன கனவுதான் அவருக்கு ஆச்சரியத்தை ஏற்படுத்தியது.

அதாவது சிறிது நேரத்தில் என் உறவுக் காரப் பெண்கள் ஏதோ சச்சரவில் ஈடுபட்டுக் கொண்டிருந்தனர். என் மனைவியும் தன் பங்கிற்கு சச்சரவில் ஈடுபட்டுள்ளார்.

அப்போது திடீரென, “யாரோ வானத்திலிருந்து வந்திருப்பதாக“ பெண்கள் பேசிக் கொள்ள ஆரம்பித்தனர். இவரும் சென்று பார்த்தார்.

தேவர் வெள்ளை நிற ஜிப்பா வேட்டியில் வந்துகொண்டிருந்தார். அவரது முகம் ஒளிரக் கூடியதாக இருந்தது. அவரோடு நீல நிறச் சட்டையில் ஒருவர் வந்து கொண்டிருந்தார். பெண்கள் அனைவரும் அவரை வணங்கினர்.

என் மனைவி எனது இரு குழந்தைகளுடன் அங்கே நின்று அவரை வணங்கினார். என் இளைய மகனிடம், “ஐயா வணக்கம்” என்று சொல் என்று சொல்கிறார்.

அவனும், “ஐயா வணக்கம்” என்று சொல்கிறான்.

உடனே, தேவர் “நீ பெருமாள் தேவனின் மகன்தானே? நல்லா இருப்பீர்கள்” என்று ஆசீர்வதித்து விட்டுச் சென்றார்.

இதுதான் என் மனைவிக்கு இன்று காலையில் தோன்றிய கனவு.


இதில் எனக்கு எந்தவித ஆச்சரியமும் இல்லை. ஏனெனில் இரண்டு ஆண்டுகளுக்கு முன்பு தேவர் எனக்கு கனவில் தோன்றினார் என்று நான் சொன்னபோது என் மனைவியால் அதை நம்ப முடியவில்லை.

3 comments:

திண்டுக்கல் தனபாலன் said...

வியப்பு...

வாழ்த்துக்கள் ஐயா...

வருண் கணேசன் said...

வாழ்த்துக்கள்

வருண் கணேசன் said...

வாழ்த்துக்கள்